Onhoassa

Un article de Wikipèdia, l'enciclopèdia liura.
(Redirigit dempuèi Escanolha)

Las onhoassas, escanolhas, cebards, o saussissas de vailet, que son onhons que hican o que deishan en tèrra tà'us har germiar, dab la mira de n'amassar los onhons joens gessits de l'onhon-mair.

Onhoassas suu mercat d'Amor.

Vocabulari[modificar | Modificar lo còdi]

Los mots "onhoassa", format dab onhon (latin pop. *unionem) + -assa (sufix aumentatiu) ; e "cebard" format dab ceba (latin caepa) + -ard (sufix aumentatiu), qu'an lo sens de gròs onhon, gròssa ceba. Que designan permèr l'onhon-mair dab las soas tiras, mes per extension que designan tanben, los joens qui seran cuelhuts e consumits. Lo mot "escanolha" que s'emplega tanben dab aqueras duas accepcions.


Ta'us har viéner[modificar | Modificar lo còdi]

A la fin de l'abòr (mes de noveme), hicar en tèrra un ognon deus bèths (generaument ua ceba roja). Deishar un detzenat centimètres de tèrra per dessús, tà que las pèrnas damorin blancas deu pè. Au cap de quauque temps que puntejan cinc o shèis tiras d'onhons qui's neureishen de la mair. L'onhon-mair que s'esmodeish a mesura que creishen los joens. Que'us cau amassar a la debuta deu primtemps (deu 15 de mars au 15 d'abriu).
Que son generaument minjats en moleta.



Nòtas[modificar | Modificar lo còdi]