Eron d'Alexàndria

Un article de Wikipèdia, l'enciclopèdia liura.
Dessenh de l'eolipila d'Eron.

Eron d'Alexàndria es un engenhaire e un matematician grèc dau sègle I apC que visquèt a Alexàndria. Es conegut per sei tractats tecnics en engenhariá, en mecanica e en matematicas. Fòrça importants per l'istòria dei sciéncias, aquelei tèxtes permèton d'aver una idèa de l'avançada dei sabers grècs dau periòde ellenistic.

La vida d'Eron es quasi desconeguda. Visquèt après la mòrt de Vitruvi (80-20 avC) e èra probablament contemporanèu de Plini l'Ancian (23-79 apC). Creèt d'automats mòuguts per l'aiga e s'interessèt a l'estudi de la vapor e de l'aire comprimit. Son òbra pus importanta es probablament lo Tractat dei Pneumatics mai laissèt d'autrei tractats de remarca. En particular, i prepausèt un metòde simple per calcular l'airau d'un triangle (formula d'Eron) e per resòuvre d'eqüacions (metòde d'Eron), un estudi de la lutz e dei fenomèns optics (principis dau rebat de la lutz), de modèls simples de maquinas de vapor (eolipila), un sistèma de termoscòpi, una fònt automatica, divèrseis automats e un modèl d'odomètre. De melhoraments dau relòtge d'aiga e de l'astrolabi li son tanben atribuits.

Liames intèrnes[modificar | Modificar lo còdi]

Bibliografia[modificar | Modificar lo còdi]

  • (fr) Jérôme Nicole, « Dans l’Antiquité, il existait déjà des automates sophistiqués », The conversation, n° 1, 2021, p. 1.

Nòtas e referéncias[modificar | Modificar lo còdi]