Emmabuntüs
Emmabuntüs es una Distribucion_Linux derivada d'Ubuntu construida per recondicionar d'ordenadors donats a las Comunitats Emaús.
Emmabuntüs es un mot combinat compausat de Emaús e Ubuntu e se pronóncia e-ma-bon-tos, coma Xubuntu se pronóncia Zo-bon-to.
Referéncias cronologicas[modificar | Modificar lo còdi]
En genièr de 2011, Framasoft publica una entrevista sul framablòg[1] que rapòrta l'experiéncia d'un benevòl del talhièr de recondicionament d'ordenadors de la Comunitat Emmaüs de Neully‑Plaisance.
En mai de 2011, Philippe Scoffoni referís los rescontres d'aquel benevòl amb d'autres portaires de projècte dins un article titolat "Ocarinabuntüs, una distribucion GNU/Linux tematica per Emmaüs"[2] e Framasoft publica una ficha de presentacion de las diferentas versions d'Emmabuntüs[3].
En octòbre de 2012, l'associacion Nord Internet Solidaire inclutz aquela distribucion dins sa banca d'experiéncias[4].
Una presentacion a l'Ubuntu Party de Paris en novembre de 2012 es retranscrita per l'April (associacion)[5].
Al mes de genièr de 2013, una revista informatica alemanda, LinuxUser, publica una descripcion d'Emmabuntüs sus tres paginas titoladas "Kompakter Allrounder für ältere Computer"[6].
En abril de 2013, lo site croat Linuxzasve solinha que los esfòrces de desvolopament d'aquesta distribucion consistisson a rendre accessible als debutants los logicials GNU/Linux e a utilizar los vièlhs ordenadors al lòc de los destruire[7].
Lo 26 de julh de 2013, la revista Linux Essentiel d'agost-setembre de 2013 publica quatre paginas sul projècte Emmabuntüs11[8].
Lo 3 de març de 2014, l'âge de faire rapòrta lo trabalh del collectiu Emmabuntüs al servici de l'umanitarie[9].
Lo 15 de mai de 2014, las actualitats de la Comuna de París rapòrtan qu'una novèla botiga d'Emmaüs, dobèrta a la casèrna de Reully, vend d'ordenadors equipats amb Emmabuntüs[10].
Lo 28 d'agost de 2014, Terre Eco solinha qu'Emmabuntüs permet de valorizar una part de las toneladas de material informatic donadas a las comunitats Emmaüss[11].
Lo 19 de febrièr de 2015, La Vie presenta l'activitat del Collectiu Emmabuntüs dins una comunitat Emmaüs del 20n arrondiment de París e precisa que lo Secors Catolic a installat a Saint Ouen l'Aumône dins una sala dètz ordenadors jos Emmabuntüs per l'iniciacion a l'informatica[12].
Environnement de bureau pour Emmabuntüs DE (Debian Edition)[modificar | Modificar lo còdi]
L'environament de burèu es Xfce amb Cairo-Dock. LXDE es inclús e installable.
-
Ecran d'amodatge -
Cambiament de perfil del dock -
Installacion dels logicials o dels codecs non liures -
Extensions inclusas dins lo navigador Firefox -
Kiwix - lector de wiki fòra linha -
Captura d'ecran de l'environament LXDE
Las foncionalitats[modificar | Modificar lo còdi]
Aquesta distribucion es installabla dins son integralitat sens connexion Internet, totes los paquets necessaris son dins l'imatge de disc, en comptant de codecs non liures que l'utilizaire a la causida d'installar o non17.
Pòt foncionar sus de maquina que dispausan d'un processor de tipe Pentium 4 o AMD Athlon XP e de 1024 megaoctets de RAM. L'usatge de la memòria a l'amodatge es d'environ 180 megaoctets.
De lengatges de script automatizan cèrtas etapas de l'installacion (nom d'utilizaire, mot de passa predefinits). Permeton de causir d'installar o non de logicials non liures, de desinstallar las lengas inutilizadas per reduire lo nombre de mesas a jorn, ajustar l'environament de burèu LXDE.
Compren d'extensions dins los navigadors pel contraròtle parental.
Una foncionalitat "dock" per tres tipes d'utilizators, mainatges, grands començants e "totes" simplifica l'accès als logicials.
Aquesta distribucion intègra de logicials que necessitan un procediment d'installacion particular, coma OOo4Kids.
Dins LibreOffice, l'extension corrector gramatical Language Tool (en) es preinstallada.
Una documentacion jos forma de Wiki e un manual dels primièrs passes son integrats dins la distribucion per facilitar l'aprendissatge pels utilizaires.
Las aplicacions[modificar | Modificar lo còdi]
Mantunas aplicacions per una sola tasca son installadas. Aicí qualques exemples (aquesta lista es imcomplèta) :
- los navigadors Wèb Firefox e Chromium, fornits amb d'extensions : Flash Player, uBlock Origin, HTTPS Everywhere, Disconnect, Public fox
- los lectors de corrièls : Mozilla Thunderbird, Evolution
- las messatjariás instantanèas : Pidgin, Skype, Jitsi
- las aisinas de transferiment de fichièrs : FileZilla, QBittorrent, Transmission, Wammu
- la bureutica : AbiWord, Gnumeric, LibreOffice, OOo4Kids, Verbiste, Kiwix, Calibre, Scribus
- l'àudio : Clementine, Audacious Media Player, Audacity, PulseAudio, Sound Juicer
- la vidèo : Kaffeine, VLC media player, Totem, Cheese, Kdenlive
- la fòto : GThumb, Shotwell, Picasa, DigiKam, GIMP, Inkscape
- la gravadura : Brasero, Xfburn
- los lésers : HomeBank, Ancestris, Stellarium, Celestia, PlayOnLinux, SuperTux, SuperTuxKart, TuxGuitar, Hedgewars
- l'educacion : TuxPaint, TuxMath, GCompris, Scratch
- de logicials utilitaris : Wine, Cups
- d'aisinas de mantenement : GParted, Htop, Hardinfo, TeamViewer
Perqué e cossí collaborar amb las comunitats Emaús[modificar | Modificar lo còdi]
Los companhs d'Emaús vivon de las ressorsas que lor procuran la collècta e la venda d'objèctes donats per de particulars. Dins las vilas grandas, pòdon recebre mantunas toneladas de material informatic cada an. Una part se vend al pes en qualitat de DEEE, mas demòra de material en estat de marcha, utilizable. Los periferics coma los ecrans, los clavièrs e las mirgas se pòdon vendre dins l'estat ont son. Los disques durs de las unitats centralas contenon de logicials proprietaris someses a de contractes de licéncia d'utilizaire final e de donadas personalas.
Per propausar a la venda d'ordenadors desbarrassats de totas aquestas informacions, una solucion consistís a installar un sistèma operatiu liure que conten a l'encòp los pilòts pel malhum, lo son e l'afichatge e una panoplia de logicials liures pels usatges mai corrents. Lo procediment d'installacion particiona lo disc dur, çò que rend inaccessiblas las donadas registradas abans.
Per que la distribucion Linux siá installabla en mens d'una ora sens connexion Internet dins los talhièrs de recondicionament, a calgut ajustar los logicials utils non incluses dins la version de basa, los paquets de lengas, de programas script. Se causiguèt Cairo-Dock per rendre las foncions disponiblas accessiblas als començants.
Aqueste recondicionament e aquesta venda procuran de ressorsas a las associacions umanitàrias, permeton a de personas que dispausan de ressorsas fèblas d'aquesir d'ordenadors equipats de nombroses logicials liures, reemplegan de material informatic e economizan de ressorsas naturala del planeta.
Collaboracion amb Jerry Do-It-Together[modificar | Modificar lo còdi]
Dempuèi l'eveniment "Open Bidouille camp" del 22 de setembre de 2012, lo collectiu Emmabuntüs collabòra amb los portaires del projècte Jerry Do-It-Together. Aquel ordenador assemblat dins un bidon de plastic amb de compausants de recuperacion es vengut lo companh hardware de la distribucion Emmabuntüs pendent los salons informatics liures.
Son associats tanben per luchar contra la tuberculòsi amb lo projècte JerryTub.
Lo jerry@agora del centre social de Beaulieu a Saint‑Étienne s'utiliza pel centre de lésers e l'alfabetizacion amb Emmabuntüs. Emmabuntüs es un sistèma operatiu complèt simple a installar per faire foncionar un ordenador assemblat lotjat dins un bidon. Permet de se reapropriar aqueste aparelh electronic.
Versions[modificar | Modificar lo còdi]
| Nom | Basa | Data | Talha en Go | Environament de burèu |
|---|---|---|---|---|
| Emmabuntüs Equitable[13] | Ubuntu 10.04 LTS | 28 d'abril de 2012 | 2,7 | GNOME |
| Lemmabuntüs Equitable [14] | Lubuntu 10.04 | 10 de març de 2012 | 1,6 | LXDE |
| Ocarinabuntüs[15] | Ubuntu 10.04 LTS | 10 de mai de 2011 | 3,3 | GNOME |
| Emmabuntüs 2 [16] | Xubuntu 12.04 LTS | 18 de decembre de 2014 | 3,5 | Xfce ou LXDE |
| Emmabuntüs 3 [17] | Xubuntu 14.04 LTS | 12 d'octòbre de 2015 | 3,8 | Xfce ou LXDE |
Aquestas versions son disponiblas en telecargament dirècte e de par a par[18].
Ligams extèrnes[modificar | Modificar lo còdi]
- (fr) Sit oficial
- (en) Emmabuntüs sus DistroWatch
- (fr) Tutorials Emmabuntüs sus Developpez.com
- ↑ emmaus-logiciels-libres-interview-patrick 4 janvier 2011 framablòg
- ↑ Ocarinabuntüs, une distribution GNU/Linux thématique par Emmaüs 31 mai 2011 Philippe Scoffoni
- ↑ Emmabuntüs Equitable 29 mai 2011 Framasoft
- ↑ Nouvelle distribution linux nommée Emmabuntüs 19 octobre 2012 Banca d'experiéncias ANIS
- ↑ April présentation de l'historique d'Emmabuntüs consultat lo 23 d'agost de 2013
- ↑ (de) Multifunktional Kompakter-Allrounder-fuer-aeltere-Computer janvier 2013 Linux User
- ↑ Présentation par Linuxzasve site Croate
- ↑ Linux Essentiel numéro 33 05 setembre 2013
- ↑ L'âge de faire Emmabuntüs informatique humanitaire consultat lo 3 de mars de 2014
- ↑ Emmaüs s'installe à la caserne Reuilly
- ↑ Emmabuntüs ravive la mémoire des ordis
- ↑ La Vie Emmabuntüs des ordinateurs pour tous 19 de febrièr de 2015
- ↑ wiki Emmabuntüs Emmabuntüs Equitable
- ↑ recycler-les-anciennes-machines-avec-lemmabuntus 18 janvier 2012 Mikedafunk
- ↑ Toolinux Ocarinabuntus une distribution GNU/Linux thématique 03 juin 2011
- ↑ Toolinux En ligne avec Emmabuntus 2.1.09 22 décembre 2014
- ↑ Developpez.com Le collectif emmabuntüs annonce la sortie de la distribution Emmabuntüs 3-1.02 19 octobre 2015
- ↑ liens de téléchargement Mediawiki Emmabuntüs