Vejatz lo contengut

Eleccions municipalas de 2026 a Montpelhèr

Un article de Wikipèdia, l'enciclopèdia liura.


Las eleccions municipalas de 2026 a Montpelhièr auràn luòc los 15 e 22 de març de 2026. Miran al renovelament del conselh municipal e del conselh metropolitan de Montpelhièr Mediterranèa Metropòli.

Modalitats de l'escrutinh

[modificar | modificar lo còdi]

Datas

[modificar | modificar lo còdi]

Las datas de l'escrutinh son fixadas per un decret del 27 d'agost de 2025 als 15 e 22 de març de 2026[1],[2].

Candidaturas

[modificar | modificar lo còdi]

Tre 2023, Isabelle Perrein indica que conduirà la lista "Aimer Montpellier" ("Aimar Montpelhièr")[3],[4]. Arriba a obtenir lo sosten dels Republicans e de l'UDI[5], que son de partits conservators, puèi lo del Modèm[6], un partit liberal.

En novembre de 2024, l'insomesa Nathalie Oziol, deputada de la 2da circonscripcion, indica voler menar una lista[7]. De cap a l'impossibilitat de far ressortir un binòmi unic pendent doas amassadas generalas, lo movement local anóncia la nominacion d'un equipa de quatre caps de fila amb, en mai de Nathalie Oziol, Rhany Slimane, Livia Jampy e Antoine Bertrand[8]. Es fin finala la deputada Nathalie Oziol qu'es investida per LFI, partit politic eco-socialista, coma cap de lista[9].

En abril de 2025, l'ecologista Jean-Louis Roumégas, deputat de la 1ra circonscripcion, indica egalament que desira èsser al cap d'un lista amassant las fòrças d'esquèrra[10].

En intèrne en çò dels Ecologistas montpelhierencs, doas linhas s'afrontan : s'aliar amb la lista del cònsol sortent o aver una candidatura independenta. Lo 23 de junh de 2025, los 302 militants decidisson a près de 69 % de s'aliar pas amb la lista socialista tre lo primièr torn e de presentar una lista ecologista independenta al primièr torn[11]. Lo 7 de julhet, "L'Après" anóncia s'unir amb los Ecologistas[12], son rejonches fin agost per Generacion.s, partit creat per Benoît Hamon[13]. Lo 4 de setembre, desvèlan lor local novèl aital coma lo nom de lor lista : "Le Printemps montpelliérain" (La Prima montpelhierenca)[14].

L'8 d'agost de 2025, Plaça publica, partit politic social-liberal, nomma Christophe Bourdin e Virgínia Borroladís coma caps de fila dins la prefectura erauresa[15].

Lo 21 de setembre de 2025, l'elegit d'oposicion Serge Martin, qu'èra sus la lista de Mohed Altrad en 2020, se declara candidat[16].

Lo 13 de novembre de 2025, lo partit politic d'esquèrra revolucionària (marxista) Revolucion permanenta anóncia presentar una lista menada per Max Muller[17]

Sondatges

[modificar | modificar lo còdi]

Primièr torn

[modificar | modificar lo còdi]
Sorsa Data de realizacion Escapolon RP LFI LÉ PS - PCF CC SDE Utils SE RE SE - MoDem - LR RN
Muller Oziol Roumégas Delafosse Doulain Martin Saurel Altrad Mirallès Perrein Tsagalos
Ifop 14-24 novembre 2025 706 ____ 16% 4% 36% 1% 2% 13% 9% 2% 8% 9%


Nòtas e referéncias

[modificar | modificar lo còdi]
  1. ↑ . service-public.fr.
  2. ↑ (en francés). Légifrance.
  3. ↑ (en francés).
  4. ↑ (en francés).
  5. ↑ Yannick Povillon.  (en francés). Midi libre..
  6. ↑ Cathy Soun.  (en francés). Midi libre..
  7. ↑ (en francés).
  8. ↑ (en francés). actu.fr.
  9. ↑ Guy Trubuil.  (en francés). Midi libre..
  10. ↑ (en francés).
  11. ↑ Yannick Povillon. . Midi libre.
  12. ↑ Yannick Povillon.  (en francés). Midi libre..
  13. ↑ (en francés). actu.fr.
  14. ↑ Cathy Soun.  (en francés). Midi libre..
  15. ↑ Cathy Soun.  (en francés). Midi libre..
  16. ↑ Cathy Soun.  (en francés). Midi libre..
  17. ↑ Lucas Darin.  (en francés). Révolution permanente..
Recuperada de « https://oc.wikipedia.org/w/index.php?title=Eleccions_municipalas_de_2026_a_Montpelhèr&oldid=2491519 »