Edge of Sanity
Edge of Sanity èra un grop de death metal anglofòn suedés, originari de Finspång, actiu entre 1989 e 1999.
Edge of Sanity es estat fondat pel cantaire e musician Dan Swanö, ambe lo bassista e guitarrista Andreas « Dread » Axelsson.
Inicialament grop de death metal, Edge of Sanity s'obrís tre lo segond album Unorthodox en 1992 a d'autras influéncias coma lo rock progressiu e alarga aital lor audiéncia ; a partir del tresen album The Spectral Sorrows publicat en 1993, Edge of Sanity comença quitament d'aver de resson a un nivèl internacional ; aquí encara, los tròces s'aluènhan del death metal de la debuta, ambe per exemple de cançons coma Sacrificed (l'un dels títols mai coneguts d'aquel grop en Occitània), que se sarra mai del ròck gotic dels Sisters of Mercy que non pas del death metal del primièr album.
En 2003, malgrat que lo grop siaga inactiu dempuèi 1999, Edge of Sanity publica pasmens un album novèl (Crimson II), mas sens çaquelà relançar vertadièrament lo grop.
Discografia
[modificar | modificar lo còdi]- 1991 : Nothing but Death Remains
- 1992 : Unorthodox
- 1993 : The Spectral Sorrows
- 1994 : Purgatory Afterglow
- 1996 : Crimson
- 1997 : Infernal
- 1997 : Cryptic
- 2003 : Crimson II