East Village

Un article de Wikipèdia, l'enciclopèdia liura.
Anar a : navigacion, Recercar

40° 43′ 39″ N 73° 59′ 09″ O / 40.7275, -73.98583

Un imòble de l'Avenue A, vist de Tompkins Square Park

East Village es un quartièr de l'arrondiment de Manhattan a Nòva York. Gaireben es limitat per la 14a carrièra al nòrd, per l'East River a l'èst, Houston Street al sud e la 3en Avenguda a l'oèst. Es situat a l'èst de Greenwich Village, d'ont lo nom.

Lo tèrme es pas segur, d'unes considèran qu'es una partida del Lower East Side (la partida sudèst de Manhattan), çò que s'acorda amb la preséncia de l'avenguda C tanben nomenda Avenguda Loisaida, une version ispanisanta e fonetica de « Lower East Side ». De fach, lo nom ven subretot d'una campanha de comunicacion menada per de promotors imobilièrs dins los ans 1980, que volián valorizar aquela zona. Lo Lower East Side aviá la reputacion d'èsser un quartièr paure e malfamat. En mai, lo nom d'East Village rapelava plan lo del mejancièr, Greenwich Village, que l'atrach èra pas pus de demostrar.

Una partida del quartièr se nomenava autrescòps Alphabet City (la vila alfabet), a causa de las quatre avengudas A, B, C, D que lo traversavan. Son la solas avengudas de Manhattan de portar aquel tipe de nom format d'una sola letra. Èra un escanador, abans de venir un quartièr boèmia, subretot ocupat per d'estudiants, d'artistas… Dempuèi la fin dels ans 1990, la populacion cambièt encara, mai estilada e amb mai d'argent.

Lo fons de pension Westbrook, especializat en venda de coproprietats investiguèt dins lo quartièr, levant una oposicion d'unes abitants e fasent s'enauçar lo prètz de l'imobilièr[1],[2],[3].

Dicha[modificar | modificar la font]

Dicha de l'East Village (qu'es pas mai d'actualitat) :

« Avenue A, you're Alright

Avenue B, you're Brave
Avenue C, you're Crazy
Avenue D, you're Dead. »

« Avenguda A, tot va plan

Avenguda B, sètz valents
Avenue C, sètz caluc
Avenue D, sètz difunt. »

Dins l'East Village[modificar | modificar la font]

Glèisa Saint-Mark-in-the-Bowery.

Luòcs culturals:

  • Saint Mark's Church
  • Performance Space 122

Luòc toristic:

  • Alphabet City e los òrts comunautaris
  • Tompkins Square Park, lo palmon verd de l'East Village
  • Union Square, la plaça dels debats publics
  • 8a carrièra
  • East River sidewalk, la passetjada lo long de l'East River e sa vista sus la skyline de Midtown

Nòtas e referéncias[modificar | modificar la font]

  1. Matt Townsend, Tenants say investment firm is harassing to cash in, The Villager, Volume 78 / Number 2 - June 11 - 17, 2008
  2. Equity eying Starrett City hit by complaints from Manhattan tenants, New York Daily News, 22 août 2008
  3. Starrett-eyed equity firm hit with tenants' complaints, New York Daily News, 20 août 2008