Dordonha (videojòc)

Dordonha (Dordogne en francés) es un videojòc de tipe aventura narrativa e pontar'e'cliquar editat per Focus Indie Series e desvolopat per Un Je Ne Sais Quoi en collaboracion amb Umanimation. Lo jòc sortiguèt lo 13 de junh de 2023 sus Windows, PlayStation 5, PlayStation 4, Xbox Series e Nintendo Switch. Es lo primièr videojòc produch e doblat en occitan. Lo jòc se debana en 2002. Lo jogaire incarna Mimi, una femna de 32 ans, qu'a oblidat tots los remembres de son enfança. Avent copat palhas amb son paire, Fabrice, va a Sarlat après lo decès de sa menina pairala Nora. Dins aquel ostal abandonat, Mimi va descobrir los sovenirs de son enfança. Lo jòc recebèt dins l'ensemble de criticas positivas.