Donasan

Un article de Wikipèdia, l'enciclopèdia liura.

Donasan (del latin Donatianus) es un parçan d'Occitània[1] situat en Lengadòc (País de Fois). Aqueste pichon territòri pirenenc d'una altitud mejana de 1100 m se tròba al sud-èst del departament d'Arièja.

Amb una populacion d'aperaquí 465 abitants, lo país, que sa vila principala es Queragut, se pòt considerar coma una enclava ariegesa dins Aude, que lo flume d'Aude lo travèrsa e perque depend d'Aude per qualques administracions coma La Pòsta (l'ivèrn) e los pompièrs d'Atsat. L'airal forma tanben un canton que son caplòc es Queragut.

L'activitat economica principala del territòri es lo torisme amb l'estacion d'espòrts d'ivèrn de Mijanes.

Lo gentilici dels abitants es donasanenc -a.

Lo sosdialècte de l'occitan lengadocian parlat en Donasan es lo donasanés.

Comunas[modificar | Modificar lo còdi]

Ligams extèrnes[modificar | Modificar lo còdi]

Nòtas[modificar | Modificar lo còdi]

  1. Segon la classificacion de Frederic Zégierman.