Don Juan Manuel

Un article de Wikipèdia, l'enciclopèdia liura.
Salta a la navegació Salta a la cerca
probable retrèit de don juan Manuel, Catedrau de Murcia.
Escut de don Juan manuel.

L'infant don Juan Manuel (Escalona, lo 5 de mai de 1282Còrdoa, lo 13 de junh de 1348) qu'ei un escrivan espanhòu e un personatge istoric deu sègle XIV, membre de la familha reiau e personalitat politica e militària de las màger de la soa epòca.

Qu'ei mei que mei famós per'mor d'estar un deus escrivans màger de la soa tempsada, autor d'una grana òbra que la pèça mei famosa be n'ei lo El conde Lucanor.

Qu'èra nebot deu famós rei Anfós X de Castelha dit "Lo Sage", hilh de l'infant Manuel de Castelha, arrer-hilh deu rei Ferran III de Castelhan dit "Lo Sant" e que ho co-tutor deu futur rei Anfós XI de Castelha

Biografia[modificar | modificar la font]

Don Juan Manuel, hilhs de l'infant don Manuel de Castelha, vadó dehens lo castèth d'Escalona, proche de Toledo. Son pair que's morí d'ora en 1283 e sa mair en 1290 e lo rei Sancho IV de Castelha que vadó son tutor a partir deus sons 8 ans. La soa educacion que ho autant fisica (caça, escrima, equitacion) coma intelelctuau (latin, dret, istòri e teologia).

Que's maridè tres còps ; qu'esposè Isabela de Malhòrca en 1299 mes aquesta que's morí en 1301 shens nada descendència. La soa segonda molher que ho Constança d'Aragon, hilha de Jacme II d'Aragon ; aquesta que li ho promesa a l'edat de 6 ans e atau que demorè presoèra deu castèth de la Atalaya de Villena entà que hasesse los 12 ans, annada deu maridatge.

Honts[modificar | modificar la font]

  • Flory, David. El Conde Lucanor: Don Juan Manuel en su contexto histórico. Madrid: Pliegos, 1995.
  • Giménez Soler, Andrés. Don Juan Manuel. Biografía y estudio crítico. Zaragoza: F. Martínez, 1932.