Discussion Utilizaire:85.14.152.138

???

N'èi pas cometut actes de vandalisme, qu'èi esglachat tèxtes MENS, tèxtes qui aví publicat JO, en protestacion contra lo foncionament ANTIDEMOCRATIC de Wikipèdia, suu plan mèrrament LINGÛISTIC.

Qu'ei inutile de'm miaçar de m'interdíser d'escritura, ne soi pas a las intencions de collaborar, mes au contra de BOYCOTTAR, tant qui las nòrmas de Domergue "Aubadaurada" Sumien e seràn las solas acceptadas, e tant qui tot çò qui ne las seguesca pas e serà escandalosament "corregit".

Ex. tirat de la lista d'autors: Jan Bozet (Jean Bouzet, Yan Bouzet) devienut "Joan de Boset", que tornè estar "Jan Bozet" arron ua mea intervencion, e anueit que l'arretrobavi "Joan de Boset".

L'idea d'aperar quauqu'un per un aute nom que lo qui's balha eth medish (Yan Bouzet, Jacques Chirac), qu'ei ua idea tipicament ANTI-DEMOCRATICA.

Ne soi pas nihilista, que voi ua Wikipèdia occitana hòrta, mes que la voi tanben democratica, e d'alhors se ne n'ei pas democratica quin poderé estar hòrta?

Cedric e los autes, un sol lingüista qui ac gavida tot, e'vs sembla democratic, e'vs sembla normau? Ne i a pas d'autes lingüistas reputats en Occitània (Taupiac, Lavalada, lo defunt Grosclaude...), qui aurem lo dret de seguir?

Que torni sus la mea pagina "indo-europèu"

e que constati que n'èi pas solament lo dret d'esglachar las paginas qui èi escrivut.

Eh donc, las causas que son claras ara: BOYCOTT.

Adissiatz. Es ieu qu'i a mes aquel bendel per que avetz suprimir sens bailhar d'explicacions. L'utilizaire Aubadaurada dirigís pas aquela wiki, i a agut de las presas de decision ont totes los utilizaires inscrichs pòdon votar [1] . Coma vos, soi pas d'acòrdi amb tot (per exemple ieu tanben soi d'acòrdi pour dire qu'escriure Jacques Chirac en Jaume Chirac es una vergonha mas es la democracia). Lo mai important es de contribuir a la wiki nòstra. Coralament ScArf 6 de junh de 2007 a 20:46 (UTC)

Se me dises que foguèt decidit democraticament, vòli pas tanpauc impausar mas concepcions.

Aguèri aquela reaccion excessiva en vesent "Jan Boset" corregit (pel segond còp!) en "Joan de Boset".

Çò que me tafura mai dins lo "Jaume" de "Chirac", es pensar que nos ridiculizam als uèlhs dels autres... e d'el, se nos legís. Rai! mas vòli saber s'ai lo drech d'escriure sens èsser "corregit". Perqué soi pas un original, promòvi pas cap grafia personala, soi contra l'anarquia (grafica, vòli dire), apliqui las nòrmas que fan referéncia pel 95 % dels Gascons, e vesi pas perqué Aubadaurada, o un autre, me vendriá ensenhar cossí devi escriure lo gascon. Admeti qu'el, o tu, o d'autres, me corregigan en lengadocian, mas cresi pas que fòra de Gasconha i aja de gent que me pòscan corregir en gascon (tot aquò dich amb ma modestia personala, com o veses).

Se nos metèm d'acòrdi sus dos o tres ponches, a saber corregissètz lo lengadocian tant coma volètz, e me daissatz escriure lo mieu gascon, segon las nòrmas de l'IEO segur, per ieu l'afar es clavat e tornarai collaborar.

Tavèrna

Adiu, que'm permeti vs' perpausar de hicar aquesta perpausicion dens la taverna. Dilhèu que seré enqüera miélher s'ac hasóssitz en bèth aubrir ua paja d'utilizaire (e, de segur, aquò non poderé pas estar interpretat com ua aprobacion de quina causida qui hosse) entà qui posquiatz signar shens qu' arres n'ac pòsca har a la vosta plaça.

Que poderatz atau soslinhar los punts grafics qui la loa legitimitat normalizatriça e vs' sembla discutibla (e las honts possiblas de legitimitats normalizatriça- personaus, bibliograficas, institucionau eca -) mentre qui los vostes detractors (se n'i avossin) que poderén hornir los lors contra arguments. Au cap d'ua estona, aquó que poderé miar de cap a un o mantun vòts.

De tot biais, quin que hosse lo resultat d'aqueth vòt (e de la resulta de quin se vòu vòt qui sia), los wikipedians a viéner (dens un mes o vint ans) que poderén optar per ua auta causida e des.har (quitament d'un biais automatic) las causidas nostas(quin son dilhèu errors qui non vedem o non comprenem pas peu moment) ; tot aquò per tornar díser çò qu'escrivè ScArf sobiron, com i a tostemps biais de discutir e de corregir las causidas malas, que's pòt continuar de collaborar shens estar d'acòrd dab tau o tau causida de tau o tau utilizaire.

A bèth lèu, --Lembeye 17 de junh de 2007 a 00:34 (UTC)