Demografia d'Alemanha

Un article de Wikipèdia, l'enciclopèdia liura.
Anar a : navigacion, Recercar


Alemanha es lo país mai poblat de l'Union Europèa e comptava 80 219 695 abitants segon lo recensament del 9 de Mai de 2011. Aquela chifra del recensament foguèt una suspresa, vist que l'Ofici d'Estatistacas d'Alemanha balhava gaireben 82 000 000 d'abitants abans que los resultats finals del recensament venguèsson contradire aquelas estimacions fachas per l'Ofici. Pasmens, per inesperadas que sián las novèlas donadas, son simptomaticas de la situacion demografica d'Alemanha que coneís una feconditat particularament flaca dempuèi las annadas 1970.

Alemanha es tanben un país d'immigracion amb mai de 6 000 000 d'estrangièrs. Aquò contrasta amb l'istòria alemanda, qu'Alemanha foguèt sempre un país d'emigracion (amb mai de 60 000 000 de personas qu'an d'originas alemanda en defòra d'Euròpa).


Evolucion recenta[modificar | modificar la font]

Lo recensament de 2011 donèt de chifras inferioras a las esperadas. Divèrsas explicacions son estadas avançadas.

Segon lo communicat de premsa 188 del 31 de mai de 2013,[1] la baissa es deguda a una estimacion tròp nauta del nombre d'estrangièrs. En 2011, èran 6 200 000 ( e non los 7 300 000 previstes) siá 7,7% de la populacion. Los immigrats (estrangièrs e Alemands repatriats) representan pasmens 19% de la populacion.

S'admet tanben que l'emigracion de ciutadans alemands es estada mai fòrta que prevista. Atal, i aviá 428 000 ciutadans alemands de mens que previst. Aqueles ciutadans an emigrat.

Natalitat, mortalitat e fertilitat[modificar | modificar la font]

Alemanha coneís a l'ora d'ara una feconditat pro baissa, inferiora a la mejana europèa. Fins a 1971, lo nivèl èra sufisent per assegurar lo renovelament demografic. Dempuèi 42 ans, Alemanha coneís un deficit de naissenças que l'immigracion sufís pas a compensar.

Evolucion de la natalitat e de la mortalitat en Alemanha entre 1946 e 2006

Etnias e nacionalitats[modificar | modificar la font]

L'immigracion plan importanta a agut de consequéncias vesiblas sus la composicion etnica de la populacion alemanda. Se i a 88% d'Europèus, los Alemands representan solament 80,7% de la populacion (99% en 1945).

7,3% de la populacion son compausat d'Europèus venguts mai que mai de l'anciana Euròpa comunista. Demest los Europèus del sud o de l'oèst, òm tròba mai de 500 000 Italians, 300 000 Grècs e 100 000 Franceses.

5,2% de la populacion son compausats per de Turcs e de populacion vengudas o d'Africa del Nòrd o d'Asia Occidentala. Representan l'essencial de la communautat musulmana del país.

Lo demai de la populacion 6,8% son compausats de mestisses, d'Africans, de mulastres, d'Asiatics, d'Indians e de populacions vengudas de las Americas.

Origina dels estrangièrs en Alemanha
Ethnia  %[2][3] populacion [4]
Europèus 88.0 70,593,332
Alemands 80.7 64,737,294
Poloneses 2.0 1,604,394
anciana URSS 1.7 1,363,735
Union Europèa e l'anciana Iugoslavia 3.6 2,887,909
Asia Occidentala e Africa del Nòrd 5.2 4,171,424
Turcs 4.0 3,208,788
Arabis e Persians 1.2 962,636
Asiatics 2.0 1,604,394
Afro-Alemand o African 1.0 802,197
Multiracial o non-especificat 2.0 1,604,394
Autres 1.8 1,443,955
Total 100 80,219,695

Nòtas e referéncias[modificar | modificar la font]

<references>

  1. https://www.destatis.de/DE/PresseService/Presse/Pressemitteilungen/2013/05/PD13_188_121.html
  2. http://www.bpb.de/nachschlagen/zahlen-und-fakten/soziale-situation-in-deutschland/61646/migrationshintergrund-i |title=Bevölkerung mit Migrationshintergrund I &#124
  3. https://www.destatis.de/DE/PresseService/Presse/Pressemitteilungen/2011/09/PD11_355_122.html |title=Pressemitteilungen - Statistisches Bundesamt (Destatis) - Ein Fünftel der Bevölkerung in Deutschland hatte 2010 einen Migrationshintergrund- Statistisches Bundesamt (Destatis) |publisher=Destatis.de
  4. https://www.destatis.de/DE/PresseService/Presse/Pressemitteilungen/2013/05/PD13_188_121.html |title=Zensus 2011: 80,2 Millionen Einwohner lebten am 9. Mai 2011 in Deutschland |publisher=Destatis Statistisches Bundesamt