Democracia liberala
La democracia liberala es una forma de democracia representativa que fonciona segon lei principis dau liberalisme. Es caracterizada per d'eleccions liuras, justas e concurrencialas entre plusors partits politics distints, una separacion dei poders au sen de cada branca dau govèrn, un respècte dau concèpte d'Estat de drech e una proteccion dei libertats e dei drechs fondamentaus de cada individú. Aqueleis elements son sovent integrats dins una constitucion que definís lo foncionament deis institucions e lo contracte sociau. Au començament dau sègle XXI, la democracia liberala èra lo sistèma politica de referéncia de la màger part dei país desvolopats.