Còsta de Malabar

Un article de Wikipèdia, l'enciclopèdia liura.
Mapa dels districtes d'Índia formant la còsta de Malabar.

La còsta de Malabar es una partida del litoral d'Índia. Es situada dins lo Sud Oèst de la peninsula indiana, entre lo Territòri de Goa al nòrd e lo cap Comorin al sud[1],[2],[3], e forma mai que mai lo rivatge dels Estats del Kerala e del Karnataka.

Geografia[modificar | Modificar lo còdi]

Plaja de Bekal Fort, Kerala

La còsta es banhada per la mar de las Laquedivas. L'interior de las tèrras es formada d'una plaina costièra alongada entre la mar e los Ghats occidentals. Dins lo Sud de Kerala, un ensems de lònas, los Backwaters, s'espandisson reire de la còsta de Malabar.

La còsta de Malabar, e subretot lo penjal occidental dels Ghats, que fan obstacle a la monson, es la region mai umida de l'Índia del Sud.

Istòria[modificar | Modificar lo còdi]

Del temps dem Raj britanic, la region èra una partiada de la presidéncia de Madras fins a la formacion del Kerala en 1956 per sa reunion amb lo principat de  Travancore Cochin.

Abans lo Raj britanic, lo Malabar fuguèt jos la dominacion de Pandya fins a 600 jol nom de Malâkotta, o Mâlâyâ, Mâlâkuta, puèi foguèt divisat en principautats coma aquelas de Kolathiri de Kasaragod, de las Zamorins de Calicut ou de las Valluvokonathiri de Walluvanad.

Demografia[modificar | Modificar lo còdi]

I a sus la còsta de Malabar de vilas portuàrias istoricas, coma Calicut (Kozhikode), Cochin (Koshi), Mahe, Quilon (Kollam) e Cranganore (Kodungallur), la Muziris de l'Antiquitat, que foguèron de centres de comèrci importants de l'ocean Indian pendnet de sègles, frequentats pels Fenicians, los Romans, los Chineses, los Arabs. A causa de lor oberturas cap a la mar e lo comèrci maritim, las vilas de la còsta de Malabar son fòrça cosmopolitas e aculhiguèron d'ora de comunautats crestianas, josievas e musulmanas.

Referéncias[modificar | Modificar lo còdi]

  1. (fr) Sélection du Reader's Digest, Atlas, cartes, photos satellite du monde ed: Wissen Media Verlag, Gütersloh, Munic, 2007 ISBN 9782709818902|isbn10 9782709818902, p306-307
  2. (fr)Le grand atlas du monde Institut cartografic Bertelsmann, Gütersloh ed: France Loisirs 1987, ISBN 9782724235302|isbn10 2724235304 p74
  3. (fr) Atlas géographique Istituto geographico de Agostini ed:Éditions Atlas, París 1978, p42-43

Articles connèxes[modificar | Modificar lo còdi]