Crac de 1929

Grafa de la valor del Dow Jones entre octobre de 1928 e octobre de 1930.

Lo crac de 1929 foguèt una crisa borsièra que se debanèt a la Borsa de Nòva York entre lo dijòus 24 d'octobre de 1929 e lo dimars 29 d'octobre de 1929 : en qualques jorns, l'indici principal qu'aviá aumentat de mai de 500 % dempuèi lo començament dels ans 1920 perdèt gaireben la mitat de sa valor.

Aquel eveniment es un dels pus celèbres de l'istòria borsièra, que marca lo començament de la Granda Depression, la pus granda crisa economica de l'istòria. Lo primièr jorn del crac, lo 24 d'octobre de 1929 foguèt apelat « dijòus negre . Consequéncia dirècta, als Estats Units, lo caumatge e la pauretat explosèron pendant la Granda Depression e butèron qualques annadas pus tard a una reforma prigonda e necessària dels mercats financièrs.