Colomba

Un article de Wikipèdia, l'enciclopèdia liura.
Salta a la navegació Salta a la cerca

Lo mot colomba es un tèrme fòrça general que correspond pas exactament a un nivèl de classificacion scientifica. Es a dire qu'es un nom vernaculari que lo sens es ambigú en biologia car utilizat per designar sonque una partida dels aucèls classificats dins la sosfamilha de las Columbinae.

Mais sovent, dins la literature e dins lo parlar corent, la « colomba » designa la forma blanca d'un torrièr o d'una tortora.

La colomba dins la cultura[modificar | modificar la font]

Simbolica[modificar | modificar la font]

Article detalhat : Colomba de la patz.

Las colombas simbolizan l'amor (fidelitat).

Dins l'Antiquitat, èran ofèrtas de colombas en sacrifici a las divessas de l'amor, coma Astartèa e Afrodita.

Dins la Bíblia, es una colomba que Noè envia dempuèi son arca per saber se las aigas s'èran retiradas de la tèrra aprèp lo deluvi[1]. Es ela que torna amb un ram d'Olivièr dins lo bèc, indicant a Noè que las aigas baissèron. Dins lo Cantic dels Cantics, un recuèlh de cants d'amor que fa partit de l'Ancian Testament, las colombas son presentas. Dins le Nòu Testament, se dich que lo Sant Esperit davalèt sul Crist a son bateg jos la forma d'una colomba[2].

Dempuèi lo sègle XX, un aucèl blanc tenent un ram d'olivièr dins lo bèc, sens precision d'espècia mas que s'interprèta comunament coma una colomba, es un simbòl de patz.

Dins la cultura amerindiana, ofrir una plume de colomba es una declaracion d'amor.

estatèr d'argent representant una quimèra e una colomba

Art[modificar | modificar la font]

Colombas, mosaïc de Pompei

Ja se trapa de colombas representadas dins l'Antiquitat, per exemple suls mosaïcs de Pompei.

Pablo Picasso dessenhèt fòrças òbras inclusissent de colombas, que la Colomba de la patz en 1949[3]. René Magritte[4] e Georges Braque[5] tanben penhèron de quadres celèbras de colombas.

Referéncias[modificar | modificar la font]

  1. Genèsa 8.8-13.
  2. Mr 1.10, Lu 3.22 et Jn 1.32
  3. La colomba de la patz
  4. La Grande Famille o en plus grand
  5. Colombe