Coalicion de l'Esquèrra Radicala

Un article de Wikipèdia, l'enciclopèdia liura.

La Coalicion d'Esquèrra Radicala (grèc Συνασπισμός Ριζοσπαστικής Αριστεράς, Sinaspismós Rizospastikís Aristerás), mai coneguda coma ΣΥΡΙΖΑ (transcrit SÍRIZA, IPA: [ˈsiɾiza]), es una coalicion de partits politics d'esquèrra de Grècia creada per las eleccions legislativas gregas de 2004. Lo sèu líder es Alexis Tsipras, president de Sinaspismós, lo partit mai grand de la coalicion.

Istòria[modificar | Modificar lo còdi]

Formacion[modificar | Modificar lo còdi]

Malgrat que se presentèt formalament per las eleccions legislativas de 2004, la seuna naissença es anteriora e a coma referéncia l'Espaci pel Dialòg per l'Unitat e l'Accion Comuna de l'Esquèrra (en grèc: Χώρος Διαλόγου για την Ενότητα και Κοινή Δράση της Αριστεράς) que nasquèt en 2001.[1] Aquel espaci èra format de divèrsas organizacions de l'esquèrra grega que, malgrat las originas ideologicas e istoricas diferentas, patejan una accion politica comuna e diverses tèmas importants que sorgigèron en Grècia a la fin dels ans 1990, coma la guèrra de Kosova, las privatizacions o los drechs socials.

Pujada[modificar | Modificar lo còdi]

Lo moment decisiu per la naissença de SÍRIZA foguèt las eleccions legislativas de 2004. La majoritat dels participants de l'Espaci, ensajèt de crear una plataforma per ensejar de formar una aliança electorala.[2] Atal se faguèt la Coalicion d'Esquèrra Radicala, en genièr de 2004.[3]

La Coalicion d'Esquèrra Radicala foguèt la granda sorpresa de las eleccions legislativas gregas de 2007, per l'augment dels vòts que recebèt. Un inesperat 5,04% dels sufragis, li donèt 14 sètis al Parlament ellèn.

Per las eleccions legislativas gregas de mai de 2012 obtenguèt una creissença espectaculara, venguèt la segonda fòrça politica del país amb 16,3% dels vòtes e 52 sètis. Los sondatges augurèron alara que podava èsser la formacion politica mai votada amb 20,5 per cent dels sufragis,[4] arribant a la segonda plaça, darrièra de Nòva Democracia, amb 26,89 per cent.

Partits politics participants[modificar | Modificar lo còdi]

Partisans de SÍRIZA dins una manifestacion en 2007.

La Coalicion inclusís las seguentas formacions politicas (segons l'òrdre alfabetic grèc):[5]

  • AKOA (Esquèrra Innovatritz Comunista Ecologista), organizacion ecocomunista venent de l'ancian Partit Comunista de Grècia (Interior).
  • DIKKI (Movemient Democratic Social), scission de l'esquèrra del PASOK (Movement Socialista Panellenic) en 1995.
  • DEA (Esquèrra dels Trabalhadors Internacionalista), d'ideal trotskista.
  • Ciutadans Actius (Ενεργοί Πολίτες), partit d'esquèrras fondat pel veteran politic grèc Manolis Glezos.
  • KEDA (Movemient per l'Unitat d'Accion de l'Esquèrra), scission de en 2000 del Partit Comunista de Grècia (KKE).
  • Kokkino (Κόκκινο)
  • KOE (Organizacion Comunista de Grècia), d'ideal maoïsta.
  • Xekinima (Organizacion Socialista Internacionalista) (aderent a la CWI-CIO, organizacion internacionala qu'amassa diverses partits trotskistas).
  • Ecosocialistas de Grècia (Οικοσοσιαλιστές Ελλάδας)
  • Sinaspismós (SIN), lo partit sorgit de la fusion de l'ancian Partit Comunista de Grècia interior (eurocomunista) e d'un sector minoritari del KKE.
  • e fòrça activistas independents d'esquèrres

Resultats electorals[modificar | Modificar lo còdi]

Resultats
An Eleccion Vòtes % Sètis
2004
Legislativas
241 539
3.30 %
6
2007
Legislativas
361 211
5.04 %
14
2009
Parlament Europèu
240 898
4.70 %
1
2009
Legislativas
315 627
4.60 %
13
Mai de 2012
Legislativas
1 061 265
16,78 %
52
Junh de 2012
Legislativas
1 655 053
26,89 %
71
2014
Parlament Europèu
1,516,699
26.58 %
6
2015
Legislativas
2,245,139
36.4 %
149

Referéncias[modificar | Modificar lo còdi]

  1. Press conference of the "Space", May 2001
  2. Synaspismos press release, 17 December 2003
  3. (el) 15/01/2004 article from the Greek language edition of the BBC
  4. http://www.europapress.es/internacional/noticia-syriza-seria-formacion-mas-votada-caso-repetirse-elecciones-20120513124615.html
  5. (el)Listat actualizat de membres que forman la Coalicion

ligams extèrnes[modificar | Modificar lo còdi]

Suls autres projèctes Wikimèdia :