Chic
Chic es un grop american anglofòn de disco e funk originari de Nòva York. Es estat format en 1976 pel guitarrista Nile Rodgers e lo bassista Bernard Edwards.
Chic a conegut una capitada mondiala a la tota fin de las annadas 1970 en plena periòda disco, en particular ambe lor tube Le Freak en 1979. Còp-sec, trabalhan alavetz per de nombroses artistas coma per exemple Diana Ross (son los compositors de son celèbre tube disco Upside Down), Sister Sledge (We Are Family) o encara la cantaira francesa (d'origina occitana) Sheila (Spacer).[1]
Lo bassista del grop, Bernard Edwards, defunta lo 18 d'abril de 1996. Dempuèi, Nile Rodgers contunha a jogar sus l'empont jol nom « Chic featuring Nile Rodgers ».
En 2000, un escapolon de lor cançon Soup for One es estat emplegat pel duò francés Modjo per lor títol Lady (Hear Me Tonight).
En 2013, Nile Rodgers participa quitament a l'album Random Access Memories del duò francés Daft Punk (ambe en particular lo tube mondial Get Lucky).
Cançons mai conegudas en Occitània
[modificar | modificar lo còdi]- Dance, dance, dance (yowsah, yowsah, yowsah) (1978)
- Le Freak (1979)
- Good Times (1979)
- Mega chic (1990, mescladís de lors tubes)
- Chic mystique (1992)
Referéncias
[modificar | modificar lo còdi]- ↑ "Spacer" : quand Nile Rodgers envoyait Sheila dans la stratosphère - Le 30/07/2024 https://www.nostalgie.fr/artistes/sheila/actus/spacer-quand-nile-rodgers-envoyait-sheila-dans-la-stratosphere-70250112