Charlotte Cardin

Charlotte Cardin

Charlotte Cardin, nascuda lo 9 de novembre de 1994 a Montreal (Quebèc), es una cantaira e compositora canadiana. Canta a l'encòp en francés e en anglés, sovent mesclant las doas lengas dins sas cançons. Comença a aver de resson dins son país, lo Canadà, tre la publicacion en 2016 d'un primièr mini-album, Big Boy, que conten entre autras la cançon Dirty dirty.

Après èsser estada vertadièrament remarcada per sa cançon Main Girl en 2017-2018 puèi Passive Aggressive en 2020, recebèt fin finala en 2022 al Canadà lo prèmi del single de l'annada per sa cançon de 2021 Meaningless, tanben lo de l'album pop de l'annada per son primièr vertadièr album Phoenix.

En 2023, sa cançon Confetti obten tanben un polit succès. Es seguida de 99 Nights e Jim Carrey, dos autres singles tanben tirats de son segond disc.

Fin 2024, son companh, lo cantaire Aliocha Schneider, la convida per cantar ambe el sa cançon en francés Ensemble. Aquesta version en duò obten un polit succès.

Publicada tanben en single tre fin 2023 al Canadà, la cançon Feel good de Charlotte Cardin deven un gròs tube en Occitània debut 2025 sonque.

Discografia

• 2021 : Phoenix
• 2023 : 99 Nights
• 2023 : Une semaine à Paris (mini album)
• 2024 : A Week in Nashville (mini album)

Cançons mai conegudas (en Occitània)

• Wicked Game (2017, represa de Chris Isaak)
• Main girl (2017)
• Dirty Dirty (2018)
• California (2018)
• Passive Aggressive (2020)
• Meaningless (2021)
• Scorpio Season (2021)
• Confetti (2023)
• Un peu trop (2024)
• Ensemble (2024, de e ambe Aliocha Schneider)
• Feel good (2025)
• Tant pis pour elle (2025)