Chamonix-Mont-Blanc

Chamôni; Chamonix-Mont-Blanc
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
	La comuna de Chamonix
	Armas
	Armas
	Geografia fisica
Coordenadas	45° 55′ 23″ N, 6° 52′ 11″ E
Superfícia	116,53 km²
Altituds; · Maximala; · Minimala	; 4 810 m; 995 m
	Geografia politica;
Region istorica	Savòia (Arpitània) ;
Estat	França;
Region; 84	Auvèrnhe Ròse Aups;
Departament; 74	Nauta Savòia ;
Arrondiment	Bonneville;
Canton	Chamonix-Mont-Blanc;
Intercom; 200023372	de la Vallée de Chamonix-Mont-Blanc;
Cònsol	Éric Fournier (2020-2026)
	Geografia umana
	Autras informacions
Gentilici	Chamoniards (en francés)
Còde postal	74400
Còde INSEE	74056
	chamonix-mont-blanc.fr

Chamôni en arpitan (Chamonix-Mont-Blanc en francés) es una comuna arpitana de Savòia, situada dins lo departament de la Nauta Savòia e la region de Auvèrnhe Ròse Aups. La comuna de Chamonix-Mont-Blanc cobrís del nòrd cap al sud setze vilatges o vilars : le Tour, Montroc, le Planet, Argentière, les Chosalets, la Joux, le Lavancher, les Tines, les Bois, les Praz de Chamonix, Chamonix-Mont-Blanc, les Pècles, les Mouilles, les Barrats, les Pélerins, les Gaillands, les Bossons.

Chamonix dintrèt dins l'istòria en 1091, quora le comte Aimon Ièr de Genèva faguèt dotacion de la val a l'abadiá Saint-Michel-de-la-Cluse, en Piemont. De monges s'instalèron en riba drecha d'Arve. Es la naissença del priorat de Chamonix. La comuna es un territòri del ducat de Savòia que fa partit dels Estats de Savòia, eles meteisses integrats puèi al reialme de Sardenha. Puèi amb la Revolucion francesa e lo Primièr Empèri, venguèt un territòri francés. Lo 24 de març de 1860, pel tractat de Turin, lo ducat de Savòia es daissat a França. Lo 4 d'abril de 1860, la comuna de Chamonix ven alara definitivament francesa. Prenguèt lo nom de Chamonix-Mont-Blanc lo 21 de novembre de 1921.

Enserrat entre las agulhas Rojas e lo Mont-Blanc, Chamonix-Mont-Blanc partetja amb Saint-Gervais-les-Bains e Sant Veran (Auts Aups) lo recòrd de la comuna pus nauta de França e d'Euròpa occidentala. Lo deu a la preséncia sus son territòri del som pus naut dels Alps : lo mont Blanc que culmina a 4 810 mètres. La comuna es fòrça presada dels amators d'alpinisme e d'espòrts de montanha en general. L'atrach touristic del mont Blanc dona un visatge cosmopolit a la vila.

Geografia

Localizacion

Photographie en couleurs — Val de Chamonix vista del sud. Al primièr plan, Les Houches, al centre la vila de Chamonix e al fons l'agulha Verda.

La comuna se situa dins la part septentrionala e occidentala dels Alps, se desvolopèt dins la val omonima, al nòrd dels Alps, pròche del punt de concorda de frontièra de França, Soïssa e Itàlia.

La val de Chamonix s'estend sus aperaquí 17 km de long. La comuna de Chamonix-Mont-Blanc es limitròfa de las comunas francesas Les Houches, Passy, Saint-Gervais-les-Bains, Servoz e Vallorcine^{[I 1]} ; frontalièra amb la Soïssa e Itàlia, confronta las comunas soissas de Trient e Orsières dins le canton de Valés, e la comuna italiana de Courmayeur, en val d'Aosta, que i es religada pel tunèl del Mont Blanc.

Geologia e relèu

La superfícia de la comuna es de 245,5 km², çò que ne fa la mai estenduda de Nauta Savòia, mas la susfàcia retenguda par l'INSEE es de 11 653 ectaras , amor que los glacièrs de mai de 1 km² son exclús del calcul ; son altitud varia de 995 a 4806 mètres^[1].

Le territòri de la comuna es bordat per las agulhas Rojas, sèrre que culmina a 2 965 mètres d'altitud e, sul versant opausat, pel massís del Mont Blanc que lo som, lo mai naut d'Euròpa occidentala (4 806 mètres^[2]) es situat sul limit de la comuna, que seguís l'acrin somital, de l'arèsta dels Bosses al mont Blanc de Courmayeur. Mai d'un som de mai de 4 000 mètres se trapan a Chamonix-Mont-Blanc : l'agulha Verda, las Grandas Jorassas, la dent del Gigant, lo mont Maudit e lo mont Blanc de Tacul.

Idrografia

Lo centre de la vila de Chamonix-Mont-Blanc, situat à 1 035 mètres d'altitud, es traversat per Arve, una de las principalas aigas del département de Nauta Savòia . D'una longor de 102 km, Arve pren sorgent al còl de Balme et se devèrsa dins Ròse en Soïssa a Genèva^[3]. La comuna se situa aital dins çò que li dison la nauta val d’Arve^[3].