Cecília dei Bauç
  | |
| Biografia | |
|---|---|
| Naissença | 1230 |
| Mòrt | 21 de mai de 1275 (44/45 ans) |
| Donadas personalas | |
| Autres | |
| Conjunt | Amadieu IV de Savòia (1244–) |
| Descendéncia | Bonifaci I de Savòia, Beatritz de Savòia |
| Maire | Sibila d'Andusa |
| Paire | Barrau I dei Bauç |
| Fraires | Bertran dei Bauç |
 | |
Cecília dei Bauç[nt 1], dicha Passaròsa[1] (1230-21 de mai de 1275), èra, per maridatge, comtessa consòrta puei regenta dau comtat de Savòia. Aparten a la familha dei Bauç.
Biografia
[modificar | modificar lo còdi]Originas
[modificar | modificar lo còdi]Nascuda vèrs 1230. Es la filha de Barrau I, senhor dei Bauç e de Venaicin, vescòmte de Marselha, e de Sibila d'Andusa, filha de Pèire Bernat d'Andusa e de Constança de Tolosa[2]. Aquesta darriera es sòrre dau còmte de Tolosa, Raimon VII.
Es surnomada "Passaròsa" en rason de sa beutat[3],[4].
Maridatge
[modificar | modificar lo còdi]Cecília dei Bauç sembla èsser estada promesa, segon Samuel Guichenon[2] o encara l'Academia daufinala[5], a Guigues V, daufin de vienés, mas l'union serà pas consumida a causa de lor edat jove. Pasmens, lo genealogista s'engana puèi que las datas de vida de Guigues V (v. 1125-1162) son anterioras d'un sègle, s'agís en puslèu del contemporanèu Guigues VII de Vienés. Aqueste darrier a en efiech estat capturat per Barrau I dei Bauç en Provença, que li promet de li tornar la libertat en escambi d'un maridatge amb sa filha[6]. Liberat, lo Daufin torna dins sei tèrras e esposa en 1253, Beatritz de Faucigny (1237-1310), dròlla dau futur còmte de Savòia Pèire II e d'Agnès de Faucigny[6].
Cecília es puei promesa per lo còmte de Tolosa, son oncle, au còmte de Savòia, Amadieu IV, veuse d'Anna de Borgonha[2],[3]. Lo còmte de Savòia promet «mila marcs d'argent de doari, que foguèron assignats sus lei vilas, e castèus de Chamberí et de Montmelian»[2].
Esposa per procuracion lo representant dau còmte, le chivalier Umbèrt de Seissèl, senhor d'Ais[2],[3]. La ceremonia se debana dins la capèla de Nòstra Dama d'Aurenja, en janvier de 1244[2],[3].
Comtessa puèi regenta de Savòia
[modificar | modificar lo còdi]En 1252, un an avans de se morir, lo còmte de Savòia redigís un testament precisant que son fraire Tomàs II de Piemont, senhor de Piemont e còmte de Flandra[7], e son esposa, Cecília, devon servir de regents a Bonifaci s'eu meteis se morís prematurament. Bonifaci a pas que nòu ans quand erita dau comtat de Savòia e es donc plaçat sota la regéncia de sa maire e de son oncle. Quand Tomàs se morís, en 1259, Cecília demòra sola regenta e l'un de sei premiers actes coma tala es d'exemptar Sant German de Sest de sei taxas còntra l'ajuda de seis abitants per guidar lei viatjaires per lo còl dau Petit-Saint-Bernard. Sota aquesta regéncia, leis oncles de Bonifaci, Pèire II de Savòia e Felip I de Savòia contunharàn d'aquerir de territòris e d'influenciar lei regions a l'entorn au nom dau còmte eretier.[8]
Annadas finalas
[modificar | modificar lo còdi]Un còp sa regéncia acabada, mas subretot après la mòrt de son filh en 1263, Cecília se retirèt dins sos domènis que, en 1268, foguèron reconfirmats per lo novèu còmte de Savòia, Pèire II.[9].
La comtessa se morís lo e es enterrada a l'abadiá d'Autacomba[3].
Descendéncia
[modificar | modificar lo còdi]Cecília dei Bauç e Amadieu de Savòia aurián agut tres[4], quitament pòt èsser quatre enfants segon Guichenon :
- Bonifaci (1244-1263), còmte de Savòia e de Mauriana[10]
- Beatritz (1245-1292). Esposèt en primieras nòças Pèire de Borgonha (de Chalon de Bourgogne-Ivrée), dich "lo Bovier", senhor de Chastèlbelin, filh dau còmte Joan I de Chalon; puèi en 1274 a Manuèl de Castelha e de Leon (1234-1283), Infant de Castelha e de Leon, senhor de Peñafiel, d'Escalona e de Vilhena (filh de Ferrand III de Castelha)[4],[11].
- Constança (avant de 1264), mòrta sens aver estada maridada[12].
- Alienòr (o Eleonòr, o Leonora), maridada en 1269 a Guichard, seigneur de Bèujòc[4],[13].
Nòtas e referéncias
[modificar | modificar lo còdi]Nòtas
[modificar | modificar lo còdi]- ↑ Lo prenom Cecília o Ceselha, derivat dau latin caecili que significa "bòrni", apareis tanben coma Cecilia, Cecila o Celha en provençau (veire Lou Sourgentin).
Referéncias
[modificar | modificar lo còdi]- ↑ Mistral, vol. 2, p. 494.
- ↑ 2,0 2,1 2,2 2,3 2,4 et 2,5 Guichenon, pp. 272-273
- ↑ 3,0 3,1 3,2 3,3 et 3,4 Claudius Blanchard, Histoire de l'abbaye d'Hautecombe en Savoie avec pièces justificatives inédites, Academia de Savòia, Tome 1 (1875), 744 pages, p. 161 (lire en ligne).
- ↑ 4,0 4,1 4,2 et 4,3 Palluel-Guillard, p. 13.
- ↑ Bulletin mensuel de l'Academia daufinala, 1885, p. 319.
- ↑ 6,0 et 6,1 Revue savoisienne, Volumes 122 à 124, 1982, p. 107Modèl:Référence incomplète.
- ↑ Modèl:Capítol.
- ↑ Cox, pp. 289-291.
- ↑ «Peter der Zweite, Graf von Savoyen, Markgraf in Italien, doc. n° 745, pag 427» (en latin).
- ↑ Guichenon, p. 274.
- ↑ Guichenon, pp. 274-275.
- ↑ Guichenon, p. 275.
- ↑ Guichenon, p. 276.
Bibliografia
[modificar | modificar lo còdi]- Cox, Eugene L. (1974). The Eagles of Savoy (en anglés). Princeton: Princeton University Press. ISBN 0691052166.
- Guichenon, Samuel (1660). Histoire généalogique de la royale maison de Savoie, justifiée par titres, fondations de monastères, manuscrits, anciens monuments, histoires et autres preuves authentiques (en francés). chez Jean-Michel Briolo.
- Mistral, Frederic (1878–1886). Lou Tresor dóu Felibrige (TDF). Rafèla d'Arle: Cultura Provençala e Meridionala.
Veire tanben
[modificar | modificar lo còdi]Articles connèxes
[modificar | modificar lo còdi]Liames extèrnes
[modificar | modificar lo còdi]- Dorsiers sus lo site deis Archivas departamentalas de Savòia e de la Auta Savòia - Sabaudia.org :-->
- André Palluel-Guillard. «La Maison de Savoie». APG. [Consulta: 29 avril 2015], dont la fiche André Palluel-Guillard. «Modèl:Noble-». ;
- Guido Castelnuovo. «La Savoie au Moyen-Âge, 1032-1536». Castelnuovo. [Consulta: 19 mai 2015] (8 pages et annexes) ;
- Charles Cawley. «Provence — Valentinois, Diois — Chapter 5. Orange — C. Princes d'Orange 1171-1393 (Baux) : Cécile des Baux» (en anglés). fmg.ac/MedLands (Foundation for Medieval Genealogy). MedLands. [Consulta: mai 2020], ainsi que la notice «Savoy — Chapter 1. Comtes de Savoie [1060-1417 — B. Comtes de Savoie et de Maurienne 1060-1417 : Amedee de Maurienne]» (en anglés).
