Caumas e manifestacions anti-lei trabalh en França
Las caumas e manifestacions del prima de 2016 son de movements d'oposicion al second governament Valls e a la Lei Trabalh portada per la ministra Myriam El Khomri.
Aquels movements, organizats essencialament per de sindicats opausats al projècte de lei, començan al moment ont aquestes darrièrs an coneissença de la decision de presentar lo tèxt davant lo Parlament. De manifestacions an atal lòc a partir del debut de març de 2016, a París e dins las grandas vilas francésas. S'agís de l'una de las contestacions la mai importantas jos lo mandat François Hollande[1]. Lo nombre de participants als manifestacions es presentat pels sindicats e opausants a la Lei Trabalh coma la mai granda manifestacion sociala dempuèi la lei Woerth de 2010, aquesta afirmacion prenent pas en compte las manifestacions contra la lei obrissent lo maridatge civil als cobles de meteis sèxe en 2013 e las « marchas republicanas » de genièr de 2015.
Lo procediment d'adopcion de la lei contunha, lo Govèrnament anant fins a decidir d'engatjar sa responsabilitat al títol de l'article 49 de la Constitucion en mai de 2016. Confòrmament a aquesta procedura, la lei es adoptada sens vòte del Parlament. Los movements d'oposicion contunhan, i inclusent al sen meteis de la majoritat presidenciala ont certans deputats del Partit Socialista, qualificats de «criticaires», sosten los movements de contestacion.
En parallèl d'aquestas reivindicacions sindicalas e professionalas, un movement social batejat Nuèch Dreches emergís de manifestacions contra la Lei Trabalh e s'organiza en comissions, seguissent los principis d'una democracia participativa volguda pels organizators. Lo movement afirma pas èsser ligat a una quina que siá organizacion politica o sindicala.
En setembre e octobre de 2017, lo movement anti-lei trabalh reapareis, de manièra mens massive, per protestar contra la reforma del còdi del trabalh per ordenanças del president Emmanuel Macron.
Cronologia
[modificar | Modificar lo còdi]
Aquesta seccion es voida, pas pro detalhada o incompleta. Vòstra ajuda es benvenguda !Caumas
[modificar | Modificar lo còdi]A partir del debut del movement d'oposicion a la lei El Khomri, de preavís de cauma an fach lor aparicion, aquestes essent aitant ligats al projècte de lei governamental qu'a de reivindicacions mai ancianas.
Transpòrt
[modificar | Modificar lo còdi]A la SNCF, tres dels quatres sindicats representatius (CGT, UNSA, SUD) an pausat un preavís de cauma reconductible a comptar del 31 de mai de 2016 al ser. Sols CGT-Caminòts e SUD Rail expremisson egalament de reivindicacions del retirada de la Lei Trabalh mentre que l'UNSA s'opausa unicament al projècte de reforma de l'estatut dels caminòts. Inicialament associada al preavís, la CFDT s'en es desgatjada a la seguida de negociacions ambe lo govèrnament[2]. Lo secretari d'Estat francés als transpòrts, Alain Vidalies, a qualificat lo movement a partir de las previsions del 31 de mai de «cèrtas seriós, mas [...] pas de l'amplor qu'òm podiá imaginar»[3].
A la RATP, la CGT apela a la cauma reconductible a partir del 1èr de junh, e SUD a partir del 10 de junh, data de debut de l'Euro 2016[4]. Las revendicacions concernisson tanben los salaris. Totjorn segon Alain Vidalies, «lo rapòrt de fòrça fa qu'i aurà pas d'aquel punt de vista de perturbacions que seràn mai importantas»[3].
Los contrarotlaires aerians an conegut de movements de cauma comportant coma reivindicacion lo retirament de la Lei Trabalh en març[5], abril[6] e mai[7]. De novèls preavís de cauma per debut de junh, concernisson tanben los pilòts d'Air France, mencionan pas de rapòrt ambe lo projècte de lei trabalh[4].
Rafinariás de petròli
[modificar | Modificar lo còdi]Lo sindicat CGT anóncia a la premsa que totas las rafinariás de França son en cauma lo 24 de mai de 2016. Lo Primièr ministre anóncia sus una estacion de ràdio que los sites blocats seràn liberats e reafirmats qu' «i aurà pas de retirament del projècte de lei»[8].
Lo 3 de junh, la cauma concernís pauc qu'una partida de las rafinariás, e totes los depaus de petròli son deblocats[9].
Industria del libre
[modificar | Modificar lo còdi]Lo 26 de junh de 2016, jorn d'una granda manifestacion sindicala e de cauma nacionala, la CGT del libre a blocat la parucion dels jornals quotidians dont las redaccions an refusats de publicar una letra escricha per Philippe Martinez, secretari general de la CGT, e adreçada a aquestas redaccions. Aquel jorn, levat L'Umanitat, pas cap jornal es sortit dins los quiòsques. Los patrons de jornals an denonciats a aquesta ocasion lo «chantatge» de la CGT[10].
Electricitat
[modificar | Modificar lo còdi]La CGT Energia a apelat lo 24 de mai de 2016 a de caumas dins las centralas nuclearas[11]. La cauma foguèt votada dins l'ensemble de las 19 centralas nuclearas pel 26 de mai, generant de baissas de produccion dins 10 d'aquelas centralas siá 12 dels 58 reactors, sens pr'aquò ocasionar de copaduras d'electricitat[12].
Lo 2 de junh, d'agents caumaires fan bascular de nombrós fogals al tarif d'òras calmas. Segon lo sindicat FNME-CGT, mai d'un milion d'abonats foguèron concernits. De copaduras d'electricitat an egalament aguèron lòc a Tula (fèu de François Hollande) e dins la residéncia segondària de Pierre Gattaz, president del MEDEF[13].
Nòtas e referéncias
[modificar | Modificar lo còdi]- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Grèves et manifestations anti-loi travail en France ».
- ↑ (fr) Geoffroy Clavel, Loi Travail : on a trouvé l'issue de la crise, encore faut-il vouloir la prendre, Le Huffington Post, 29 de junh de 2016.
- ↑ (fr) SNCF: l'Unsa maintient son appel à la grève tandis que la CFDT le lève, Le Figaro, 30 de mai de 2016.
- ↑ 3,0 et 3,1 (fr) SNCF, RATP, trafic aérien : début des grèves, le point sur les perturbations, France 24, 31 de mai de 2016.
- ↑ 4,0 et 4,1 (fr) Céline Boff, RATP, SNCF, DGAC, Air France: Pourquoi font-ils (vraiment) grève?, 20 Minutes, 31 de mai de 2016.
- ↑ (fr) Grève contre la loi Travail : le trafic aérien perturbé jeudi, LCI, 30 de març de 2016.
- ↑ (fr) Grève contre la loi Travail: 20% des vols annulés jeudi à Orly, retards probables à Roissy, France Soir, 27 d'abril de 2016.
- ↑ (fr) Loi Travail : les transports encore fortement perturbés jeudi, France Info, 17 de mai de 2016.
- ↑ (fr) Carburant: la CGT annonce que toutes les raffineries sont en grève, BFM Business, 24 de junh de 2016.
- ↑ (fr) Pénurie d'essence : de plus en plus de stations touchées, la carte, L'Internaute, 24 de junh de 2016.
- ↑ (fr) Alexis Delcambre, Les patrons de journaux dénoncent le « chantage » de la CGT, Le Monde, 26 mai 2016.
- ↑ (fr) Denis Cosnard, Après les raffineries, grève annoncée dans les centrales nucléaires, Le Monde, 24 de mai de 2016.
- ↑ (fr) Manon Rescan, Journée « normale » sur le réseau électrique malgré la grève, Le Monde, 26 de mai de 2016.
- ↑ (fr) Alice Maruani, Les grévistes d’EDF font économiser de l’argent à plus d’un million de personnes, L'Obs, 2 de junh de 2016.
Vejatz tanben
[modificar | Modificar lo còdi]| Sus d'autres projècte de Wikimedia: | |
 |
Commons (Galariá) |
|
Commons (Categoria)  Modèl:Commonscat/categories
|