Castras Olimpic
|
Castras Olimpic
| ||
|---|---|---|
| Pas de lògo ? Importatz lo lògo d'aqueste club. | ||
| Generalitats | ||
| Data de fondacion | 1906 | |
| Colors | Blau e blanc | |
| Estadi | Estadi Pierre-Fabre (12 500 plaças) | |
| Sèti | 11 carrièra Théron Périé, 81100 Castras | |
| Campionat actual | Campionat de França de rugbi de XV | |
| President |  Pierre-Yves Revol
| |
| Entraïnaire | Pierre-Henry Broncan Rodrigo Capo Ortega David Darricarrère Yannick Caballero Karena Wihongi Joe Worsley | |
| Site web | www.castres-olympique.com | |
|
| ||
Castras Olimpic (en francés Castres Olympique) es un club occitan de rugbi de XV de la vila de Castras fondat en 1906. Lo club es dins la primièra division francesa de rugbi de XV: Top 14. Lo club foguèt cinc còps campion de França: 1949, 1950, 1993, 2013 e 2018.
Rivalitats[modificar | Modificar lo còdi]
Rivalitat amb l'Estadi Tolosenc[modificar | Modificar lo còdi]
Dins l'istòria del CO, l'Estadi Tolosenc es segurament lo principal adversari de Castras amb dètz partidas en fasas finalas del campionat de França (6 partidas), de la Copa de la Liga (2 partidas), del Challenge Yves du Manoir (1 partida) e del Challenge Sud-Ràdio (1 partida).
Castras a batut quatre còps Tolosa dont dos còps en campionat de França : victòria en semifinala (2022), en barratge (2018), un còp en quart de finala de la Copa de la Liga (2003) e tanben un còp en quart de finala del Challenge Sud-Ràdio (2003).
Lo CO jos l'egida de Christophe Urios elimina l'Estadi Tolosenc a l'Estadi Ernest-Valon de Tolosa en barratge en 2018 (11-23) abans d'emportar son cinquen títol de campion de França, doas setmanas mai tard, a l'Estadi de França contra Montpelhièr. Lo CO entrainat per Pierre-Henry Broncan elimina l'Estadi Tolosenc doble campion de França, a l'Allianz Riviera de Niça, en semifinala en 2022 (24-18) abans d'èsser pel tresen còp vicecampion de França, una setmana mai tard, contra encara lo MHR.
Tolosa a batut Castras en campionat de França : desfacha en finala (1995), semifinala (2001, 2012), en barratge (2010), en quart de finala de la Copa de la Liga (2002) e tanben en finala del Challenge Yves du Manoir (1993).
Entre 2017 e 2020, en Top 14, Castras s'impausa contra Tolosa tres còps consecutivament a l'estadi Ernest-Valon (41-31 en 2017, 23-11 e 26-22 en 2018) e obten una partida nulla (16-16 en 2020). Demest los mai gròsses resultats a l'estadi Pierre-Antoine, Castras bat Tolosa 30-10 en 2010, 29-3 en 2012 e 52-7 en 2017.
Rivalitat amb l'US Colomèrs[modificar | Modificar lo còdi]
L'US Colomèrs, club de la banlèga tolosana, afronta tres còps Castras dins las annadas 1990. Lo CO elimina dos còps los Columérains en quart de finala del campionat de França (1992 e 2001). Mas los Olimpians son eliminats un sol còp en quart de finala del campionat de França 2000 contra lo club a la Colomba futur vicecampion de França.
Rivalitat amb lo RC Tolon[modificar | Modificar lo còdi]
Dempuèi las annadas 1990, Castras afronta regularament en fasas finalas de campionat de França d'autres rog e negre, los del RC Tolon, siá uèch confrontacions : victòria en finala (2013), semifinala (1993, 1995), e en quart de finala (1949). Castras elimina tanben Tolon en quart de finala del Challenge europèu (1997).
Pasmens, Castras es batut tres còps pel RCT en finala (2014), en semifinala (1992) e en barratge (2017).
Rivalitat amb lo Montpelhièr Erau rugbi[modificar | Modificar lo còdi]
Dempuèi las annadas 2010, en Occitània, Castras e Montpelhièr s'afrontan regularament en fasa finala, per sèt confrontacions. Lo CO es lo principal rival del MHR del president Mohed Altrad : victòria en finala (2018), semifinala (2014), e en barratge (2012, 2013).
Pasmens, Castras es batut tres còps pel MHR en finala (2022), en barratge (2011 e 2016).
Rivalitat amb lo Racing 92[modificar | Modificar lo còdi]
La rivalitat entre lo CO e los parisencs del Racing 92 es mens fòrta qu'amb Tolosa, Tolon e Montpelhièr. Pasmens, lo CO e lo Racing 92 s'encontran cinc còps en fasas finalas del campionat de França. Castras empòrta la finala (1950) e la semifinala (2018). Los francilians eliminan tres còps lo CO en ochen de finala (1953 e 1990), e en setzen de finala (1964).
Rivalitat amb Clarmont Auvèrnhe[modificar | Modificar lo còdi]
Castras e Clarmont s'opausan cinc còps en fasas finalas de Copa d'Euròpa : victòria en quart de finala (2002) e del campionat de França : victòria en semifinala (2013), e en barratge (2014). Lo CO s'es inclinat dos còps contra los auvernhats primièr en semifinala del Challenge Yves du Manoir (1994) puèi en quart de finala del campionat de França (1999)
Rivalitat amb l'USA Perpinhan[modificar | Modificar lo còdi]
Lo CO afronta tres còps los catalans de l'USA Perpinhan. Castras los elimina dos còps en quart de finala, primièr en campionat de França (1995) puèi en Challenge europèu (2000). Los Olimpians s'inclinan un còp en quart de finala del campionat de França (1998) disputat en partida anar-retorn. Lo CO, après una victòria a Pierre-Antoine es eliminat a la partida retorn a l'estadi Aimé Giral.
Rivalitat amb los autres clubs tarneses[modificar | Modificar lo còdi]
Lo 1èr de genièr de 1911, lo SC Masamet ven campion de Tarn en s'impausant 14 a 0 de cap al CO. Dins las annadas 1960-1970, quand lo SC Albi e lo SC Masamet son dins la flor, i a una fòrta rivalitat entre lo CO e aqueles dos clubs. Castres de Jean Pierre-Antoine baton lo SC Masamet del capitani Lucien Mias en ochen de finala 1956 abans de mal escaire en semifinala contra Dacs.
La rivalitat entre Albi e Castras es plan presenta, dins las annadas 1980 e 1990, per la supremacia departamentala.
Pendent la sason 1982-1983, Albi s'impausa a anar 13-6, mentre que Castras se revenja al retorn amb una victòria 12-6.
Puèi, pendent la sason 1986-1987, Castras s'impausa a anar 22-13, mentre qu'Albi se revenja al retorn amb una victòria 16-3.
Pendent la sason 1988-1989, ont Castras serà campion de França del Grop B amb lo capitani Francis Rui, Castras s'impausa a anar 26-9, mentre qu'Albi se revenja al retorn amb una victòria 13-9.
Pendent la sason 1990-1991, Castras s'impausa a anar 15-6, mentre qu'Albi se revenja al retorn amb una victòria 12-10.
Puèi la rivalitat entre los dos clubs es reviudada entre 2006 e 2010, amb la repojada d'Albi en Top 14, puèi de 2013 a 2015, après la retrogradacion del SCA en Pro D2. En sièis partidas de Top 14, Albi bat dos còps Castras en 2007 : 19-12 al Stadium municipal e 16-19 a Pierre-Antoine e acaba davant lo CO al classament.
Castras s'impausa 3 còps al Stadium d'Albi, 2 còps en Top 14 (2008 e 2010) e a l'Escut de Tarn (2013).
Puèi, los albigeses s'inclinan dos còps contra lo CO en 2008 : 6-33 al Stadium municipal e 20-16 a Pierre-Antoine. Per la darrièra sason del SCA en Top 14, lo Sporting pèrd egalament dos còps encara contra lo CO en 2010 : 21-25 al Stadium e 44-10 a Pierre-Antoine e acaba darrièr lo CO sus aquelas doas darrièras sasons.
Aquela rivalitat entre los dos clubs torna tanben mentre que lo SCA evolua en Pro D2. En efièch, Albi s'inclina dos còps encara contra Castras a l'escasença de doas partidas amistosas dins l'encastre de l'Escut de Tarn en 2013 puèi 2015.
Lo CO, un club engatjat[modificar | Modificar lo còdi]
Lo CO es un actor implicat e engatjat sus son territòri a l'imatge del Grop Pierre Fabre. Lo club s'engatja sustot dins de missions societalas, socialas, environamentalas e culturalas.
Lo Castras olimpic s'engatja al près de la joventut amb lo CO va a l'escòla per anar al rencontre dels joves e escambiar amb eles. Lo club es tanben a l'iniciativa d'operacions d'integracion pel rugbi (projècte bala ovala) e realiza de nombroses projèctes amb los estudiants de la vila de Castras. Lo CO organiza en 2020 una setmana dedicada a Dòn de la sang.
