Castèth Sèga Longa Monnier
Lo Castèth Sèga Longa Monnier ei un domeni viticòla de 20 ectaras, situat a Jau, Dinhac e Hloirac, en Medòc, dins lo departament de Gironda. Lo vin qu’ei produsit ei devath ua AOC Medòc.
Istòria
[modificar | modificar lo còdi]Lo domeni èra pagat per Joan-Pèire Monnier dins las annadas 70. I aurà ua passacion deu domeni a son hilh Pèire-Cristòu Monnier, que contunharà hèr vin de manèra tradicionau.[1]
Lo castèth cambiava de nom en 2002 tà passar de Castèth Sèga Longa a Castèth Sèga Longa Monnier. Lo nom de familha deu proprietari deu domeni ei apondut tà conservar lo sens tradicionau e lo sentiment d'entrepresa familhala.[1]
En 2008 i aurà la conversion en agricultura biologica que serà hèita.[1]
Terraire
[modificar | modificar lo còdi]Lo domeni s’esten dins las tèrras medoquinas sus 20 ectaras de vinhas. S’esten sus un sòu argelós dab grava e sable deu costat oèst deu bocau de la Gironda.
L’envitatjament deu castèth ei :
30% Merlot
7% Petit Verdot
Vin
[modificar | modificar lo còdi]La cubada ei vinificada dins de cubas d'inòx termoreguladas e macerada longament puish botada dins barricas de casso pendent 15 a 20 jorns. Fin finau lo domeni produseish en mejana entre 97 000 e 170 000 botelhas cada annada.[1][2]
Aqueth vin seduseish per la sua color roja escura. Lo nas ei agradiu tanben dab las suas nòtas de frutas rojas e negras (cerilha, cassís) sus un hons boscut. Lo cèu de la boca revèla ua costat tanic, balha shuc qui pòt acordà’s plan dab ua poralha rostida.[2]
Los millesimes de 1997, 1999, 2001, 2004, 2005 e 2006 obtengueràn ua estela, un prèmi dab la mencion “Vin fòrça capitat”.[2]