Carta maire

Un article de Wikipèdia, l'enciclopèdia liura.
Salta a la navegació Salta a la cerca
Carta maire de 2005.

Una carta maire es una carta electronica que supòrta lei compausants e lei connectors necessaris au foncionament d'un ordinator compatible PC. Es principalament compausada de soscartas electronicas e de pòrts de connexion que permèton de liar entre elei totei lei compausants e lei periferics de la maquina (discs durs, microprocessors...) per que sieguen reconeguts e configurats per lo microprocessor gràcias au programa contengut dins lo BIOS (Basic input output system).

Es fabricada a partir de jaç de coire separats per un materiau isolant. Lo coire es gravat (o « estampat ») per un procès quimic per obtenir un ensemble de camins permetent lo transpòrt d'un corrent electric entre mai d'un compausant. Puei, la carta es generalament cubèrtaper un materiau protector per l'aparar còntra l'oxidacion. Lei compausants electrics e electronics necessaris au foncionament de la carta i son generalament sodats.

Se fau nòtar que lo principi de la carta maire es aparegut ben avans lo premier ordinator. D'efiech, tre 1913, un brevet èra estat depausat per protegir una tecnica de gravadura de jaç de coire destinada a crear un circuit encargat de gerir de radiators. Puei, lei companhiás de telegrafia e de telefòns foguèron de motors de la recèrca dins aqueu domeni.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]