Campanha de Norvègia (1940)

Carta mostrant la conquista de Norvègia per los Alemands durant la prumiera fasa de la guerra.

La campanha de Norvègia se debanèc del 9 d'abriu al 10 de junh de 1940. Opausèc una fòrça d'invasion alemanda comandaa per lo generau Nikolaus von Falkenhorst (100 000 òmes) a l'armaa norvegiana (55 000 òmes) e a de refòrts aliats (38 000 òmes). Las flòtas alemanda, britanica e norvegiana foguèron pereu fòrça implicaas dins los combats.

L'objectiu de l'invasion alemanda èra l'ocupacion del pòrt de Narvik e, pus generalament, lo contraròtle de las rotas permetent l'exportacion del ferre suedés, vitau per l'esfòrç de guerra del III^en Reich. Los Aliats avián estudiat la possibilitat d'establir un blocus, mas foguèron tròp lents dins la mesa en plaça de minas marinas entre Alemanha e Norvègia. Hitler ordonèc donc de preparar l'invasion de Danemarc e de Norvègia. Ben preparaa, l'operacion foguèc una suspresa per los Aliats e per los Norvegians. Dispersaas, las fòrças norvegianas deguèron pauc a cha pauc capitular o se retirar a Narvik onte los Aliats desbarquèron un important còrs expedicionari. Pasmens, en causa de las dificultats de França en junh de 1940, lo pòrt foguèc rapidament abandonat après sa conquista. Norvègia foguèc alora ocupaa dinque a la fin de la guerra.

Ligams internes

• Batalha de Narvik.
• Segonda Guerra Mondiala.

Bibliografia

• (en) David Brown, Naval Operations of the Campaign in Norway, April–June 1940, Routledge, 2000.
• (fr) Jean Mabire, La Saga de Narvik : combats au-delà du cercle polaire : printemps 1940, Presses de la Cité, 1990.
• (fr) Johan Waage, La Bataille de Narvik, París, Robert Laffont, 1965.