Campanha de Belgica
La campanha de Belgica, tanben dicha batalha de Belgica ò campanha dei 18 jorns, se debanèt dins lo corrent de la Segonda Guèrra Mondiala dau 10 au 28 de mai de 1940. Foguèt la consequéncia de l'ataca generala d'Alemanha còntra lo frònt occidentau defendut per França, Reiaume Unit e Belgica. Leis Aliats assaièron de blocar l'ofensiva alemanda sus lo territòri bèlga car pensavan que foguèsse l'ataca alemanda principala. Aquò entraïnèt una tiera de batalhas majoras entre formacions blindadas francesas e alemandas (batalha de Hannut). Pasmens, lo 12 de mai, acomencèt la vertadiera ofensiva alemanda principala que rompèt lo frònt francés dins leis Ardenas e entraïnèt l'afondrament deis armadas aliadas que deguèron pauc a pauc se retirar vèrs l'oèst e abandonar Belgica. Lei fòrças bèlgas contunièron de combatre fins a la conquista totala de son territòri per leis Alemands e capitulèron après sa pèrda.