Campanha dau Somaliland Britanic
La campanha dau Somaliland Britanic es una operacion ofensiva italiana menaa durant la Segonda Guerra Mondiala en vista de conquistar la Somalia Britanica. Començat lo 3 d'aost de 1939, l'atac foguèc menat per las fòrças dau generau Guglielmo Nasi (24 000 òmes). En fàcia, los Britanics èra dirigits per Alfred Reade Godwin-Austen (4 000 òmes). L'objectiu dels Italians èra lo pòrt de Berbera e los Britanics organizèron la defensa de sieis sucs permetent de blocar l'unica rota en direccion de la vila. Entre lo 11 e lo 14 d'aost, los Italians capitèron d'ocupar aquelas posicions après de combats malaisits e Godwin-Austen reçaupèc l'òrdre d'evacuar la colonia. Aquela retiraa s'achabèc lo 19 e la màger part de las tropas britanicas poguèron s'enfugir a Aden.
Aquela victòria foguèc l'unic succès italian obtengut en Africa sensa l'ajuda de l'armaa alemanda. Pasmens, foguèc relativament costós amb la pèrda de 1 995 òmes (465 mòrts) còntra 260 òmes dins lo camp britanic (38 mòrts). De mai, la posicion generala dels Italians en Africa Orientala èra pauc favorabla e los Britanics reconquistèron los territòris perduts en març-abriu de 1941.
Ligams internes
[modificar | modificar lo còdi]Bibliografia
[modificar | modificar lo còdi]- (it) Angelo Del Boca, Italiani in Africa Orientale: La caduta dell'Impero, Roma-Bari, Laterza, 1986.
Nòtas e referéncias
[modificar | modificar lo còdi]