Camp de Tarragona

Un article de Wikipèdia, l'enciclopèdia liura.
Salta a la navegació Salta a la cerca
     Alt Pirineu i Aran      Ámbit metropolità de Barcelona      Camp de Tarragona      Comarques centrals      Comarques gironines      Ponent      Terres de l'Ebre      Penedés

Eth Camp de Tarragona (tanben nomentat eth Camp) ei un des ueit encastres foncionaus territoriaus definidi en Plan territoriau generau de Catalonha. Ei constituït pes comarques deth Naut Camp, Baish Camp, Baish Penedés, Conca de Barberà, Priorat e Tarragonés. Er encastre foncionau territoriau non se correspon exactaments damb era region istorica deth Camp de Tarragona, era quau solament includís es comarques deth Naut Camp, eth Baish Camp e eth Tarragonís. Era denominacion de Camp de Tarragona ei ua pervivència deth latin territorium tarraconensis qu'ena epòca romana designaue eth territòri jos influéncia dirècta de Tàrraco e non de cap aute civitates.

Region istorica[modificar | modificar la font]

Ei ua des comarques mès plan delimitades de Catalonha, en tot compréner era comarca coma factor geologic, orogràfic e idrografic. Era region naturau e istorica compren çò qu'actuauments son es comarques deth Tarragonís, Naut Camp e Baish Camp. Aguesta region ei planera, virada pes montanhes dera Sarrada Prelitorau e era mar Mediterranèa, eth contacte damb eth Penedès, era Conca de Barberà, eth Priorat e es Tèrres der Ebre. Era plana deth Camp s'òbri liure, de cara ara mar. Eth Camp de Tarragona ei documentat dempús der an 1315. Era poblacion sobri es quaus s'articule, ath torn de Tarragona, Reus e Vals, ei de 482.000 abitants. Es arrius principaus son eth Francolí e eth Gaià.