Vejatz lo contengut

Caius Flaminius Nepos

Aqueste article es redigit en vivaroaupenc.
Un article de Wikipèdia, l'enciclopèdia liura.

Caius Flaminius Nepos († 217 avC) es un cònsol roman d'origina plebèa. Foguèt una personalitat impportanta de la scena politica romana dels ans 230-220 avC.

Tribun de la pleba en 232 avC, obtenguèt lo vòte de la lex Flaminia de agro Gallico et Picenum viritim dividundo que permetèt de distribuir de terras ai plebèus dins la region de Rimini e de Picenum. Elegit un prumier còp cònsol en 223 avC, menèt plusors campanhas contra las populacions celtas dau nòrd d'Itàlia e ganhèt una importanta batalha contra los Insubrians. Aquò li permetèt de venir censor en 220 avC. Durant aqueu periòde, accelerèt la construccion de la via Flaminia e ordonèt lo bastison dau circ Flaminius. En 217 avC, foguèt tornarmai elegit consòl per comandar una armaa charjada d'arrestar Annibal dins los Aups. Pasmens, tombèt dins una emboscada a la batalha dau lac Trasimen e foguèt tuat, amb la mager part de sas tropas, durant los combats.

Ligams internes

[modificar | Modificar lo còdi]
  • (fr) François Hinard, Histoire romaine. Tome I. Des origines à Auguste, Fayard, 2000.

Nòtas e referéncias

[modificar | Modificar lo còdi]