Còdi de procedura penala (França)
Lo Còdi de procedura penala es, en drech francés, lo còdi que gropa l'ensemble dei nòrmas legislativas relativas a la procedura penala. Intrat en vigor en 1959, a per objectiu de protegir lei drechs individuaus, de renforçar l'autoritat dei magistrats e de melhorar l'eficacitat de la procedura penala en precisant lei drechs e leis obligacions de totei leis actors susceptibles d'intervenir dins un afaire penau. Sa redaccion èra una revendicacion de la Resisténcia en vista d'assegurar una procedura digna (sinceritat dei pròvas, enebiment dei confessions forçadas, enebiment de l'utilizacion de substàncias narcoticas, etc.).