Brave flic, marrit flic

Un article de Wikipèdia, l'enciclopèdia liura.
Salta a la navegació Salta a la cerca

La tecnica del « brave flic/marrit flic » es una tactica psicologica utilizada dins la negociacion e los interrogatòris[1].

Aquesta tactica implica una equipa de dos interrogators que prenon aparentament un apròchi opausat cap a l'interrogat. Los interrogators pòdon interrogar la persona cadun son torn o pòdon la confrontar al meteis temps.

Tecnica[modificar | modificar la font]

Lo « marrit flic » pren una actitud agressiva e negativa a l'esgard de l'interrogat, lançant d'acusacions flagrantas, de comentaris desplasents, de menaças e, en general, creat de l'antipatia entre lo subjècte e el meteis. Aqueste prepara lo terren pel « brave flic » qu'agís ambe benvolença, semblant portar un sosten e de la compreneson, e mostrant de la simpatia per l'interrogat. Lo brave flic defendrà tanben la persona del marrit flic. Lo subjècte pòt sentir que pòt cooperar ambe lo brave flic, siá per confisança siá per paur del marrit flic. Pòt alara cercar la proteccion del brave flic e fornir las informacions que los enquestaires cercan[2].

Aquesta tecnica a tanben sos inconvenients pr'amor que pòt èsser facilament identificada e lo « marrit flic » se pòt alienar lo subjècte[3].

Nòtas e referéncias[modificar | modificar la font]

  • (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Bon flic, mauvais flic ».
  1. (en) Susan Brodt & Marla Tuchinsky, Working Together but in Opposition: An Examination of the “Good-Cop/Bad-Cop” Negotiating Team Tactic, Organizational Behavior and Human Decision Processes, vol. 81, n°2,‎ març de 2000, p. 155–177.
  2. (en) Mark Homan, Promoting Community Change: Making it Happen in the Real World, Cengage Learning, (ISBN 0840031955)
  3. (en) Mastering Business Negotiation, John Wiley & Sons, (ISBN 1118046943)

Vejatz tanben[modificar | modificar la font]

Articles ligats[modificar | modificar la font]