Bophuthatswana
.png)
Bophuthatswana es un bantostan « independent » creat en 1977 per Sud-Africa dins l'encastre de la logica separatista dau govern sud-african d'apartheid. Coma los autres bantostans, son independencia foguèt pas reconoissuda per la comunautat internacionala car, en realitat, èra una entitat territòriala totalament dependenta de Sud-Africa. De mai, per rapòrt als autres bantostans independents, lo territòri de Bophuthatswana èra fòrça fragmentat per l'empachar de formar un estat coërent.
Bophuthatswana èra reservat als Tswanas e foguèt fondat a partir de l'Autoritat Territòriala de Tswanaland. Lucas Mangope ne'n foguèt lo president durant tota son existéncia. Establiguèt un regime autoritari e despotic. A partir de 1991, se raprochèt dels adversaris dau Congrès Nacionau African (ANC) per gardar lo poder. Puei, refusèt oficialament de tornar integrar Sud-Africa en 1993. Pasmens, una revòuta generala de la populacion entraïnèt l'afondrament dau bantostan en març-abriu de 1994.