Bombes 2 bal

Un article de Wikipèdia, l'enciclopèdia liura.
Salta a la navegació Salta a la cerca

Bombes 2 Bal es un grop musical tolosenc.

Istoric[modificar | modificar la font]

Lo grop es nascut del rencontre entre Lise Arbiol, Aurélie Neuville e Claudi Sicre e de la decision de fondar un grop de bal per totas las generacions. Es uèi un sextet : a las doas fondatrises se son junts Magali Brunel (cant, agogos), Martine Lataste (acordeon, armonica), Romain Magnes (percussions divèrsas) e Jérémy Couraut (bassa, esclòp). Cada membre del grop pòt donar de la votz e s’emparar d’un instrument.

Los membres[modificar | modificar la font]


Los ancians membres[modificar | modificar la font]

Los dançaires[modificar | modificar la font]

  • Aude Caudela
  • Lucie Lataste
  • Daniel Detamaecker

Discografia[modificar | modificar la font]

Danse avec ta grand-mère (2004)[modificar | modificar la font]

Danse avec ta grand-mère a dobert lo bal a de sonoritats que mesclan l'Occitan al forro del Nordeste brasilièr. Lo forró, musica de dança populara tira son nom del « for all » que los Angleses afichavan a l’entrada dels balètis, al sègle XIX, quora participavan a la construccion del camin de fèrre del Pernambouc ; e quora Portugueses e Galicians an emportat al Nordeste de chançons dels trobadors occitans, cançons que los embaladores, cantaires-improvisators, an adoptadas e adaptadas. Los Fabulous Trobadors, duo de Tolosencs charraires, compausat de Claude Sicre e Ange B, an fach ressonar sovent aquela parentèla.

Claude Sicre, qu'acompanha Bombes 2 Bal dempuèi lo començament, a escrich la màger part de lor repertòri, títols inediches o adaptacions de tradicionals. A aquel segond album, balha de sonoritats mens nordestinas, mai occitanas, per que las Bombes persigan lor mission : tornar inventar un balèti d’aicí. Lo bal musette, indigèna auvernhat, immigrat parisenc, a vielhit ; lo bal folk s’es anosit. Que viva lo balèti indigèna – l’indigèna es pas lo bon savatge del colon, mas lo natiu del país.

Reivindicar una identitat equival pas per las Bombes a un reples frilós. Es al contrari una dobertura sus una Occitània viatjosa, al delà de las mers mas tanben sus son vast territòri d’antan. D'aquesta geografia lontana o desapareguda testimonian los instruments de musica aicí acampats. Otra la zabumba (gròssa caissa), l’alfaia (gròs tambor) e l’agogo (doas campanas de fusta) nordestins, de tròba tanben la cabreta, l’esclòp, violon en fòrma d'esclòp, originari de Carcin ; lo timpanon pirenenc, tambor de còrdas, e las flaütas de tres traucs bearnesas, cosinas del galobet de Provença - d’ont venon tanben los palets, cimbalòtas ; las trucanètas, doas còstas de buòu que se jògan a una o a doas mans ; los esquilons, cascalhons semblables a los que pòrtan las fadas, emblematics de la musica occitana, mas tanben bengalí ; l’ektara, cordofòn dels Bauls, trobadors mendiants de Bengal, instrument aclimatat quartièr Naut Bernat dempuèi dos decennis ; Tusta-zo’in, o flexatòn, inventat per acompanhar los dessenhs animats, jogats par de rars Americans e Jamaicans.

Bal Indigène (2007)[modificar | modificar la font]

Lo Bal indigène es estat realizat per Vincent Ségal, amb qui los Fabulous Trobadors avián partejat pauc abans una sesilha de l’album-anniversari del labèl tôt Ou tard. Lo violoncelista signa tanben los arrengaments de Bienvenue à Toulouse : « son instrument classic e mon ektara », comenta Sicre, « es lo rencontre del Capitòli e del quartièr Naut Bernat… »

Vejatz tanben[modificar | modificar la font]

Ligams e documents extèrnes[modificar | modificar la font]