Benoît Hamon

Un article de Wikipèdia, l'enciclopèdia liura.
Sauter à la navigation Sauter à la recherche

Benoît Hamon
Imatge illustratiu de l'article Benoît Hamon
Foncions
Conselhièr regional d'illa de França
En foncion dempuèi lo 18 de decembre de 2015
Predecessor Valérie Pécresse
Deputat de las Yvelines
En foncion dempuèi lo 27 de setembre de 2014
Predecessor Jean-Michel Fourgous
Successor Jean-Philippe Mallé
Ministre de l’Educacion nacionala, de l'Ensenhament superior e de la Recerca
2 d'abril de 201425 d'agost de 2014
Predecessor Vincent Peillon (Educacion nacionala)
Geneviève Fioraso (Ensenhament superior)
Successor Najat Vallaud-Belkacem
Ministre delegat a l'Economia sociala e solidària e a la Consommacion
16 de mai de 201231 de març de 2014
Predecessor Jean-Marc Ayrault
Successor Valérie Fourneyron
Biografia
Data de naissença 26 de junh de 1967
Luòc de naissença Saint-Renan, Finistèrra
Nacionalitat francesa
Partit politic PS
Diplomat de Université de Bretagne-Occidentale

Benoît Hamon, nascut lo 26 de junh de 1967[1] a Saint-Renan (Finistèrra), es òme politic francés. Ancian deputat europèu, èra pòrtaparaula del Partit Socialista de 2008 a 2012 e Conselh Regional d'Illa de França (2010).

Lo 16 de mai de 2012, foguèt nomenat ministre delegat encargat de l'economia sociala e solidària dins lo govèrn de Jean-Marc Ayrault.

Biografia[modificar | modificar la font]

Benoît Hamon es nascut d'una maire secretària] e d'un paire engenhaire, trabalhant a la Direccion de las construccions navalas (DCN) de Brèst[2].

De 1976 a 1980, visquèt amb los paires a Dakar al Senegal, e escolan d'un establiment catolic dels Paires maristas[3]. Tornèt en Bretanha aprèp le divòrci dels paires.

Benoît Hamon s'engatgèt en politica a 19 ans pendent de manifestacions d'estudiants contra lo projècte de lei d'Alain Devaquet (1986-1987). Militèt alara al PS de Brèst.

Aprèp aver obtengut una licéncia d'istòria a l'universitat de Brèst[4], comencèt sa carrièra a 24 ans en 1991 coma assistent parlamentari del deputat PS de Gironda Pierre Brana. Foguèt president e fondator del Movement dels Joves Socialistas de 1993 a 1995.

Venguèt conselhièr per la Joventut prèp de Lionel Jospin de 1995 a 1997. Dintrèt enseguida al cabinet de Martine Aubry, ministra de l'Emplec e de la Solidaritat, coma conselhièr tecnic encargat de l'emplec dels joves (1997-1998), puèi coma conselhèr encargat dels afars politics (1998-2000). Foguèt director de l'agenda estrategic de l'institut de sondatges Ipsos de 2001 a 2004. Foguèt cònsol de Brétigny-sur-Orge (Essonne) de 2001 a 2008 e deputat europèu de junh de 2004, a junh de 2009, representant de la circonscripcion Èst.

Benoît Hamon dintrèt al burèl nacional del Partit Socialista.

Pel « non » al referendum del 29 de mai de 2005 sul Tractat constitucional europèu, se prononcièt en favor de la sintèsi al Congrès del Mans lo 20 de novembre. Foguèt nomenat Secretari nacional del Partit Socialista, encargat del projècte europèu lo 28 de novembre de 2005.

Lo 6 de novembre de 2007, demissionèt del pòste aprèp a la decision del Burèu nacional del Partit socialista de sostenir lo tractat modificatiu europèu pendent la procedura d'adopcion parlementària[5].

Coma deputat europèu, foguèt membre de la comission dels afars economics e monetaris, membre suplent de la comission del marcat interior e de la proteccion dels consomators, vicepresident de la delegacion per las relacions amb los Estats Units d'America, e membre suplent de la delegacion per las relacions amb Israèl.

En mai e junh de 2007, venguèt pòrtaparaula del Partit Socialista per las eleccions legislativas.

Deputat europèu de la circonscripcion Èst pendent la legislatura 2004-2009.

Dempuèi octobre de 2008, Benoît Hamon èra membre del conselh d'administracion de l'universitat París VIII, coma « personalitat exteriora »[6]. I ensenhava dempuèi setembre de 2009 las Organizacions Internacionalas e los procediments decisionals dins l'UE.

Le 16 de mai de 2012, foguèt nomenat ministre delegat a l'Economia sociala e solidària prèp del Ministre de l'Economia, de las Finanças e du Comèrci exterior del Govèrn de Jean-Marc Ayrault.

Empòrta la primària ciutadana de 2017 debant Manuel Valls, e ven alra lo candidat du Partit socialista l'eleccion presidenciala de 2017.

Posicionament politic[modificar | modificar la font]

Benoît Hamon milita per una fòrta intervencion de l'Estat dins l'economia, e per de reglamentacions permetent d'enquadrar l'economia. Prepausa la nacionalizacion d'establiments bancaris per crear un pòle financièr public, e, al nivèl europèu de restriccions al liure-escambi[7]. Benoît Hamon se prononcièt per una esquèrra qu'agís cada còp qu'aquò es necessari als costats dels sindicats dins lo movement social pour la salvagarda dels servicis publics e mai recentament per la defensa de la retirada a 60 ans sens aumentacion de la durada de cotizacion, çò que correspond pas amb l'avís la direcion actuala.

Nòtas e referéncias[modificar | modificar la font]

  1. (fr) Autorité BnF
  2. frondeur (fr)Michel Revol, « Lo frondaire del PS », Le Point, 9 d'agost de 2007
  3. (fr)« Sur les traces de Benoît Hamon, l'Africain », leparisien.fr, 8 février 2011.
  4. frondeur
  5. (fr)« PS : Benoît Hamon démissionne de son poste de secrétaire national »
  6. (fr)« Benoît Hamon a París VIII », 10 d'octobre de 2008.
  7. Unmondedavance.eu.

Annèxes[modificar | modificar la font]

Bibliografia (fr)[modificar | modificar la font]

Ligams extèrnes[modificar | modificar la font]