Bell P-63 Kingcobra
.png)
Lo Bell P-63 Kingcobra es un avion de caça estatsunidenc de la Segonda Guèrra Mondiala. Concebut entre 1941 e 1942, èra destinat a remplaçar lo Bell P-39 Airacobra en corregissent sei defauts, foguèt produch a 3 303 exemplaris. En causa de son experiéncia marrida amb lo P-39, l'armada estatsunidenca refusèt de l'utilizar e la produccion foguèt donada a l'Union Sovietica e a França. Lei Sovietics, ja utilizators dau P-39, l'adoptèron coma avion d'ataca au sòu. En França, lo P-63 arribèt après la fin dei combats, mai l'avion foguèt utilizat durant la guèrra d'Indochina de 1949 a 1951. Pasmens, la manca de municions e lei dificultats per reparar leis avions entraïnèron son abandon definitiu.
Lo P-63 èra tecnicament un interceptor bastit a l'entorn d'un canon de 37 mm. Quatre mitralhièras de 12,7 mm completavan aquel armament fòrça poderós. La velocitat maximala èra de 660 km/h, çò qu'èra ben superior au P-51. Lo blindatge foguèt tanben melhorat. Pasmens, se la màger dei problemas de manobrabilitat dau P-37 èran estats reglats, d'autreis apareguèron. Se quauquei P-63 enregistrèron de victòrias aerianas gràcias a de còps urós de son canon principau – capable de destrurre totei leis avions de la guèrra – aquel avion foguèt mai que mai utilizat per atacar d'objectius terrèstres. D'efiech, son blindatge e sa velocitat asseguravan una bòna proteccion còntra lei defensas aerianas alemandas e japonesas.
Liames intèrnes
[modificar | modificar lo còdi]Bibliografia
[modificar | modificar lo còdi]- (fr) Enzo Angelucci e Paolo Matricardi, Les avions, t. 4 : La Seconde Guerre mondiale - U.S.A., Japon, U.R.S.S., etc..., Elsevier Sequoia, coll. « Multiguide aviation », 1978, p. 100.