Batalha de Villersexel
La batalha de Villersexel se debanèt lo 9 de genier de 1871 durant la guèrra francoprussiana de 1870-1871. Es la consequéncia d'una ataca de l'armada de l'Èst comandada per lo generau Bourbaki en direccion de Lorena per desblocar Belfort e menaçar lei linhas d'avitalament prussianas. En fàcia, l'armada prussiana dau generau August von Werder èra encargada d'empachar la manòbra. Lo combat de Villersexel opausèt leis avans-gàrdias de cada armada (20 000 Francés còntra 15 000 Prussians). Lei movements francés foguèron complicats per una logistica insufisenta e de condicions meteorologicas desfavorablas. La batalha comencèt amb una ofensiva prussiana destinada a reprendre Villersexel ocupat per una unitat francesa. Una còntra-ofensiva francesa menada personalament per Bourbaki permetèt ai Francés de tornar ocupar la posicion après de combats acarnats.
Lei Prussians perdiguèron 578 soudats durant lei combats còntra 1 378 per lei Francés. De mai, lei problèmas organizacionaus de l'armada de l'Èst permetèron a von Werder de se retirar a 20 km dau prat batalhier per i concentrar sei fòrças. D'efiech, lei fòrças de Bourbaki deguèron esperar quatre jorns per se reorganizar e perseguir son avançada. Foguèron alora esquichadas a la batalha d'Héricourt en despiech d'una larga superioritat numerica.
Liames intèrnes
[modificar | modificar lo còdi]Bibliografia
[modificar | modificar lo còdi]- (fr) Pierre Bertin, 1870-1871, désillusions dans l'Est, Besançon, Cêtre, 2007, 207 p.
- (fr) Chef de bataillon Dutriez, « La victoire de Villersexel (9 et 10 janvier 1871) », Les cahiers d'histoire militaire, n° 4, març de 1971, pp. 51-70.
Nòtas e referéncias
[modificar | modificar lo còdi]