Batalha de Varna

Un article de Wikipèdia, l'enciclopèdia liura.
Salta a la navegació Salta a la cerca
Pintura representant la batalha de Varna realizada vèrs la fin dau sègle XIX.

La batalha de Varna fa partida dei batalhas opausant l'Empèri Otoman a de coalicions d'estats crestians dins lo corrent de l'avançada otomana en direccion d'Euròpa Centrala. Se debanèt lo 10 de novembre 1444 entre una armada turca estimada entre 60 000 e 120 000 òmes e dirigida per lo sultan Murad II a una coalicion dirigida per lo rèi de Polonha e d'Ongria Ladislau III Jagellon, lo regent ongrés János Hunyadi, lo prince de Valaquia Mircea II e lo cardenau Giuliano Cesarini. Capitèron de gropar entre 24 000 e 30 000 òmes. S'acabèt per una victòria otomana restontissenta en despiech de pèrdas importantas per lei doas armadas. Ladislau III Jagellon e Cesarini moriguèron dins lo corrent de la batalha.

Lo debanament de la batalha es mau conegut. Pasmens, sembla que l'armada crestiana foguèsse sospresa per l'arribada de renfòrç otomans fòrça importants que donèron un avantatge numeric decisiu ai Turcs. Blocats, lei Crestians s'installèron sus una posicion defensiva onte causèron de pèrdas grèvas ais Otomans. Pasmens, la carga mancada de Ladislau III Jagellon còntra la gàrdia de Murad II causèt la mòrt dau rèi e entraïnèt la dislocacion de l'armada crestiana. János Hunyadi capitèt de quitar lo prat batalhier mai perdiguèt unei milièrs d'òmes en causa dau secutament menat per lei tropas otomanas. Lei pèrdas foguèron importantas dins lei dos camps : entre 11 000 e 15 000 mòrts per lei coalizats crestians e entre 20 000 e 28 000 mòrts per leis Otomans.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]