Batalha de Cinoscèfales

Un article de Wikipèdia, l'enciclopèdia liura.
Anar a : navigacion, Recercar

La batalha de Cinoscèfales se debanèt en junh de 197 av. JC durant la Segonda Guèrra de Macedònia. Opausèt una armada romana dirigida per lo cònsol Titus Quinctius Flamininus a una armada macedoniana comandada per lo rèi Felip V. S'acabèt per una victòria romana qu'entraïnèt la fin de la guèrra e permetèt a Roma de venir la poissança dominanta en Grècia.

Lo racònte pus conegut de la batalha es l'òbra de Polibi (-208-126 av. JC). Lo combat èra pas previst e comencèt quand una escaramocha entre dos grops de reconeissença revelèt ai generaus la proximitat dei fòrças enemigas. Rapidament, de renfòrç foguèron mandats per tenir a distància l'adversari e organizar l'armada per una batalha generala. Dirigida per Felip V, una carga macedoniana butassèt l'ala senèstra dei Romans que subiguèt de pèrdas importantas. Pasmens, una còntra-ofensiva de l'ala drecha romana entraïnèt la dislocacion de l'ala senèstra advèrsa qu'èra mau organizada. Puei, lei Romans se rebateguèron sus lo rèsta de l'armada macedoniana que foguèt enceuclat e destruch. Felip V capitèt pasmens de quitar lo prat batalhier gràcias a sa cavalariá. Lei pèrdas romanas èran de 700 tuats còntra 8 000 mòrts e 5 000 presoniers dins lei rengs macedonians.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]