Batalha d'Avarair

Un article de Wikipèdia, l'enciclopèdia liura.
Salta a la navegació Salta a la cerca
Miniatura medievala representant la batalha d'Avarair.

La batalha d'Avarair' ò batalha de Vartanantz se debanèt lo 26 de mai de 451. Opausèt lei rebèls armènis crestians de Vardan Mamikonian ai fòrças sassanidas. Numericament inferiors, leis Armènis foguèron vencuts e la màger part de sei caps tuats dins lo corrent de la batalha. Pasmens, lei Sassanidas subiguèron tanben de pèrdas importantas. Lo rèi Yazdegerd II, que deviá faciar una guèrra malaisada còntra lei Huns Blancs, preferiguèt adoptar una posicion moderada. La repression se limitèt a l'eliminacion de quauquei prèires e au remplaçament deis autoritats localas. En revènge, abandonèt sa politica de conversion dei regions armenianas au mazdaïsme qu'èra la causa principala de l'insureccion.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]