Avtomat Fedorova
L’Avtomat Fedorova es un fusieu automatic rus concebut en 1915 durant la Prumiera Guerra Mondiala. Inspirat per lo Chauchat francés, èra destinat a provesir a l'infantariá russa una arma leugiera capabla de tenir lo ròtle d'un fusieu mitralhaire. Aviá pereu la particularitat d'utilizar una municion japonesa, lo 6,5 × 50 mm Arisaka, qu'èra relativament frequenta dins las fòrças russas. Pasmens, la companhiá charjaa d'assajar l'arma foguèc destrucha durant l'ofensiva Kerenski e l'arma intrèc pas en produccion.
En 1920, Lev Kamenev s'interessèc a l'arma e una unitat de l'Armaa Roja foguèc equipaa d’Avtomat Fedorova. Los resultats foguèron positius, mas la produccion en messa foguèc abandonaa que l'Union Sovietica decidèc, per de rasons logisticas, de retirar totas las armadas utilizant un calibre estrangier. 3 200 exemplaris de l’Avtomat Fedorova foguèron donc produchs entre 1915 e 1924. Foguèron brevament utilizats durant la Guerra d'Ivern.
En causa de sa forma, l'arma es sovent presentaa coma un fusieu d'assaut. Pasmens, la potença de sa municion permetiá unicament un usatge coma fusieu o fusieu mitralhaire. De mai, las dimensions de l'arma èran ben diferentas d'un fusieu d'assaut.
Ligams internes
[modificar | modificar lo còdi]Bibliografia
[modificar | modificar lo còdi]- (en) Frederick Myatt, Modern Small Arms, Londres, Salamander Books, 1979.