Atari
.svg){kind=logo}
Atari es una companhiá de videojòc fondaa en 1972 per Nolan Bushnell e Ted Dabney. De 1972 a 1983, obtenguèc plusors succès comerciaus importants amb la sortia de jòcs d'arcada populars (Pong, Space Race, Breakout...) e lo desvolopament de l'Atari 2600, la prumiera consòla grand public utilizant de cartochas interchanjablas. Pasmens, Atari mestrejèc pas los jòcs desvolopats per sa consòla, çò que menèc a la crisi dau videojòc de 1983 e a l'afondrament dau mercat dau videojòc. La companhiá intrèt alora dins un long declin marcat per la reviraa de sas consòlas seguentas e per plusors chambiaments de proprietaris. Abandonèc finalament l'industria dau videojòc en 1996 e fusionèc amb JTS, un fabricant de discs durs.
Pasmens, la marca « Atari » venguèc la proprietat d'Hasbro en 1998 e d'Infogrames Entertainment en 2001. En 2009, Infogramas adoptèc lo nom Atari per beneficiar de la notorietat de la marca. Despuei la fin dels ans 2010, la companhiá comercializa de versions « retro » dels jòcs Atari dels ans 1970-1980.