Atacamita
L'atacamita es un minerau de color verd viu qu'a una duretat de 3,0-3,5 e una densitat de 3,75-3,77. Es format de clorur idratat de coire (simbòl quimic : Cu2(OH)3Cl) cristallizat segon un sistèma ortorombic de classa bipiramidala. Dins la natura, lei cristaus son generalament lòngs e estriats. Pasmens, lo minerau pòu tanben formar de massas microcristallinas. Son esclat es veirenc.
L'atacamita es un produch d'alteracion d'autrei mineraus de coire e se troba donc sustot dins lei jaciments d'aqueu metau. Pasmens, de còps, pòu tanben èsser un produch de sublimacion de l'activitat volcanica e s'observar dins certanei cratèrs. Es utilizat coma minerau segondari de coire.