Artaban IV
|
Artaban IV
| |
|---|---|
 | |
| Pèça de moneda d'Artaban IV | |
| Biografia | |
| Naissença | ? |
| Decès | 224 |
| País: | Empèri Part |
| Epòca: | Edat Mejan |
| Règne: | 216 a 224 |
| Dinastia: | Arsacidas |
| Davancièr: | Vologés VI |
| Successor: | Ardashir Ièr (Empèri sassanid) |
Artaban IV foguèt lo darrièr emperaire part que regnèt de 216 a 224[1],[2]. Succediguèt a son fraire Vologés VI.
Règne[modificar | Modificar lo còdi]
En 213, Artaban decidiguèt de contestar lo poder de son fraire Vologés VI. Paréis aver pres lo contraròtle de la màger part de l'empèri en 216. Pasmens, de monedas al nom de Vologés foguèron produchas dusqua 221 o 222[3],[1].
Artaban deguèt afrontar Caracalla que marchèt sus l'empèri part. En 217, Caracalla foguèt assassinar per lo cap de sa garda, Macrin. Aquest ofriguèt la patz a Artaban que respondèt amb fòrça exigéncias. La guèrra èra pus mai d'evitar e una batalha de tres jorns se debanèt a Nisibe, que foguèt una victòria parta. En 218, Macrin foguèt assassinat[2].
Lo dangièr roman èra alunhat, mas lèu una menaça novèla apareguèt. Un vassal de Persida, Ardashir, comencèt una revòlta que menèt a la batalha d'Hormizdagan ont, lo 28 d'abril de 224, lo darrièr rei part moriguèt[2]. Ardashir fondèt un novèl estat, l'Empèri sassanid. Los parts dispareguèron de l'istòria, e los pèrsas tornèron dirigir lo mond iranian, cinc sègles après la casuda de l'Empèri Aquemenida.
Referéncias[modificar | Modificar lo còdi]
Fonts[modificar | Modificar lo còdi]
- (en) K. Schippmann, 1988, Artabanus, Encyclopaedia Iranica, Vol. II, Fasc. 6, pp. 647-650, available online at [1] (accessed on 6 May 2020).
- (en) M. L. Chaumont, K. Schippmann, 1988, Balāš, Encyclopaedia Iranica, III/6, pp. 574-580, available online at [2] (accessed on 6 May 2020).
- (en) Mehrdad Kia, 2016, The Persian Empire: A Historical Encyclopedia, Santa Barbara, ABC-CLIO.
- (de) Collectiu, 1998, Der Grosse Ploetz. Die Daten-Enzyklopädie der Weltgeschichte, Komet.