Arrondiment de Rodés
|
Arrondiment de Rodés
 | |
|---|---|
| Administracion | |
| País | França |
| Region | Occitània (region administrativa) |
| Departament | Avairon 
|
| Còde INSEE | 122 |
| Prefectura | Rodés |
| Estatisticas | |
| Populacion (2020) | 112 689 ab. (sens comptes dobles) 117 347 ab. (totala) |
| Superfícia | 2 869,7 km² |
| Densitat | 39,27 ab./km² |
| Subdivisions | |
| Comunas | 79 |
| Identificants | |
L’arrondiment de Rodés es una division administrativa e una anciana division electorala [1] francesa situada dins la region d'Occitània, ancianament de Miègjorn-Pirenèus e lo departament francés d'Avairon. Lo capluòc es la vila roergassa de Rodés. L'arrondiment s'espandís en Roergue. La lenga autoctòna es l'occitan lengadocian roergàs.
Istòria[modificar | Modificar lo còdi]
L'arrondiment se creèt en 1800 dins lo departament d'Avairon. Lo 10 de setembre de 1926, amb la supression de l'arrondiment d'Espaliu, los cantons d'aquel arrondiment siaguèron transferits a l'arrondiment de Rodés : d'Entraigas, d'Espaliu, d'Estanh, de La Guiòla, del Mur de Barrés, de Sent Amanç, de Sanch Èli, de Sent Ginièis d'Òlt, de Sant Jurvèva. L'arrondiment de Rodés venguèt alara lo pus espandit (3974,36 km²) e lo pus poblat (143 841 abitants en 2014) del departament.
Lo 1èr de genièr de 2017, los arrondiments siaguèron atermenats autrament per tal de s'adaptar als limits de las intercomunalitats. Los arrondiments de Milhau e de Vilafranca de Roergue siaguèron espandits al punt de dintrar dins la corona de l'aglomeracion rodanesa : La Barraca de Fraisse es ara dins l'arrondiment de Vilafranca, Flavinh dins lo de Milhau. Al contrari, los ancians cantons de Severac e de Campanhac passèron de l'arrondiment de Milhau a l'arrondiment de Rodés, mas aquò compensa pas. L'arrondiment de Rodés, limitat a sa partida septentrionala, a perdut 900 km² (2869,7 km²) e mai de 30 000 abitants (111 875 abitants en 2018). L'arrondiment demòra çaquelà lo pus poblat (lo de Milhau, lo pus espandit amb 3741,7 km², a pas que 79 522 abitants).
Composicion entrò 2015[modificar | Modificar lo còdi]
L'arrondiment de Rodés se compausava de 23 cantons:
- Canton de La Barraca de Fraisse-Sauvatèrra
- Canton de Bòsols
- Canton de Cassanhas de Begonhés
- Canton de Concas
- Canton d'Entraigas (Roergue)
- Canton d'Espaliu
- Canton d'Estanh
- Canton de La Salvetat de Peiralés
- Canton de La Guiòla
- Canton de Laissac
- Canton de Marcilhac
- Canton del Mur de Barrés
- Canton de Naucèla
- Canton del Pònt de Salars
- Canton de Requistar
- Canton de Rinhac
- Canton de Rodés Èst
- Canton de Rodés Nòrd
- Canton de Rodés Oèst
- Canton de Sent Amanç (Roergue)
- Canton de Sanch Èli d'Aubrac
- Canton de Sent Ginièis d'Òlt
- Canton de Sant Jurvèva
Composicion a partir de 2015[modificar | Modificar lo còdi]
Dempuèi 2015, los limits dels cantons novèls pòdon èsser acavalats sus dos arrondiments e lo nombre de comunas pòt variar en seguida de la creacion de comunas novèlas : 139 en 2015, 127 en 2016 (dins l'ancian territòri), 79 en 2017 e en 2020 [2].
Nòtas e referéncias[modificar | Modificar lo còdi]
- ↑ d'aquí a la fin de la Tresena Republica pels conselhièrs d'arrondiment e per l'eleccion dels deputats
- ↑ https://www.insee.fr/fr/metadonnees/cog/arrondissement/ARR122-Rodez