Arma nucleara tactica
_on_11_May_1962.jpg){kind=spacer}
Una arma nucleara tactica es una arma nucleara destinaa a un usatge sus lo prat batalhier o dins las zònas situaas en arrier dau frònt per destruire de concentracions de tropas, de basas militaras, de mejans logistics, de naviris, d'avions o de centres de comandament. Aquelas armas pòion èsser tiraas per una larja gamma de vectors (avions, missils, peças d'artilhariá, etc.) a an una potença de 300 t a 300 quilotonas de TNT. Desvolopaas a partir dels ans 1950, d'armas nuclearas tacticas foguèron larjament adoptaas per los Estats Units, l'URSS, França e lo Reiaume Unit durant la Guerra Freja. La fin de la confrontacion Èst-Oèst entraïnèt la destruccion de la màger part d'aquelos arsenaus. Pasmens, las fòrças nuclearas estatsunidencas, russas e francesas son totjorn dotaas d'armas d'aqueu tipe.