Anne-Sophie Mutter
.jpg)
Anne-Sophie Mutter (Rheinfelden, lo 29 de junh de 1963) qu'ei ua violonista virtuòsa alemanda.
Que comencè a estudiar lo vriulon quan èra mainatge e que continuè los sons estudis au Conservatòri de Winterthur. Aus 13 ans qu'avó lo parat de jogar ua purmèra vegada devath la direccion deu cap d'orquèstra Herbert von Karajan. Totun, que debutè vertaderament au Festival de Salzburg en 1977 devath la direccion de Daniel Barenboim.
Aus 15 ans qu'enregistrè los concertos de Mozart dab Karajan e l'Orquèstra Filarmonic de Berlin.
En 1980 que comencè la soa carrièra internacionau en jogant dab l'Orquèstra Filarmonic de Nava York gavidat per Zubin Mehta. Que perseguí arron ua carrièra de las fructuosas com concertista.
Que possedeish dus vriulon estradivaris (lo Emiliani de 1703, e lo Lord Dunn-Raven de 1710)e un vriulon deu laütièr contemporenc Roberto Regazzi (de 2005).
Qu'a ua hilha e un hilhe d'un purmèr maridatge puish, qu'esposè lo pianista André Prévin.
