Anidrid d'acid

Aqueste article es redigit en provençau.
Un article de Wikipèdia, l'enciclopèdia liura.

Grop foncionau caracteristic de l'anidrid d'acid.

Un anidrid d'acid es un compausat quimic organic que resulta de la desidratacion d'un acid organic (acid carboxilic, acid sulfonic, acid fosforic, etc.) ò minerau (acid nitric, acid sulfuric, etc.). Es caracterizat per l'estructura R–CO–O–CO–R'.

Nomenclatura[modificar | modificar la font]

Dins lei règlas de nomenclatura internacionala, l'estructura dau nom d'un anidrid d'acid es « anidrid alcanoïc ». Lo tèrme « alcanoïc » es adaptat en foncion deis acids carboxilics a l'origina de l'anidrid. Per exemple, anidrid acetic (ò etanoïc) (CH3CO)2O indica un anidrid d'acid format per doas moleculas d'acid acetic. Autre exemple, l'anidrid etanoïc propanoïc indica un anidrid compausat a partir d'una molecula d'acid acetic (ò etanoïc) e d'una molecula d'acid propanoïc.

Formacion[modificar | modificar la font]

Un anidrid d'acid es generalament obtengut gràcias a l'union de dos acids carboxilics segon la reaccion de desidratacion : R–COOH + R'–COOH = R–CO–O–CO–R'+ R–CO–O–CO–R + R'–CO–O–CO–R'+ H2O Aquela reaccionn es reversibla e leis anidrids d'acis pòdon aisament subir una idrolisi.

Es tanben possible de formar d'anidrids d'acids en utilizant un clorur d'acil e un carboxilat : R–COCl + R'–COO = R–CO–O–CO–R' + Cl

Reactivitat[modificar | modificar la font]

Leis anidrids d'acid son de derivats d'acids carboxilics. An donc una reactivitat similara. Lei dos carbònis portant lei liasons carbonils (C=O) son electrofils e pòdon donc reagir amb d'espècias nucleofilas Nu segon la reaccion : R–CO–O–CO–R + Nu = R–CO–Nu + R–CO–O Aquela reaccion permet, per exemple, de formar d'estèrs amb un rendiment quasi totau.

Annèxas[modificar | modificar la font]

Liames intèrnes[modificar | modificar la font]

Bibliografia[modificar | modificar la font]

  • (en) Nomenclature of Organic Chemistry: IUPAC Recommendations and Preferred Names 2013, RSC Publishing, 2014.

Nòtas e referéncias[modificar | modificar la font]