André Peloffy

André Charles Peloffy (nascut lo 24 de decembre de 1951 a Seta en França) es un jogaire professional de òquei sus glaç Françès tanben Canadian vengut entrainaire. Es lo primièr jogaire Occitan e donc Francés a aver jogat al mai naut nivèl del òquei mondial, la LNH dins l'equipa de los Capitals de Washington.

Carrièra

Comença sa carrièra en LHJMQ amb los Sants de Laval, puèi amb lo Nacional de Rosemont (actual Vesins de Laval) en 1970. Es repescat pels Rangers de Nòva Yòrc tre 1971. Intègra l'EHL la sason seguenta puèi arriba en Liga americana de òquei. Demorarà fins en 1979, amb qualques aventuras al mai naut nivèl, amb una sason en LNH amb las Capitals de Washington e una en Associacion mondiala de òquei amb los Whalers de la Novèla-Anglatèrra (d'ara enlà conegut amb lo nom de Carolina Hurricanes). En 1979, arriba en França, en çò dels Mamots de Tors e ven campion de França en 1980. Après 3 sasons d'anar-retorn entre Àustria e l'AHL, se fixa definitivament en França ont jogarà encara 8 sasons e ganharà encara 5 títols de campion de França : 1983, 1985, 1986 amb Sent Gervasi, 87 amb lo Mont Blanc, 1989 amb los Franceses Volants.

A la debuta de febrièr de 2012, es anonciat coma arribant per entrainar los Boxers de Bordèu per la sason 2012-2013. L'informacion es estada confirmada pel club lo 6 de febrièr de 2012 e Peloffy es arribat la meteissa setmana a Bordèu, coma entrainaire adjonch per la rèsta de la sason. Pasmens, davant las dificultats encontradas pel club amb sa patinadoira (utilizada per la vila coma sala conjonchament, çò qu'obliga d'unas partidas supausadas èsser jogats a domicili a se jogar a d'autres endreches), a presentat sa demission lo 19 de febrièr de 2012, estimant aver pas los espleches adeqüats per far son trabalh.

Palmarés

• Campion de França (Liga Magnus) : 6 títols (1980, 1983, 1985, 1986, 1987, 1989)
• Trofèu John-B.-Sollenberger : 1977