Andrèu Du Pré
André Du Pré (André Du Pré en francés) es un poèta gascon de lenga d'òc del sègle XVI nascut a Leitora (Gers) cap al 1580.
Biografia
[modificar | modificar lo còdi]Andrèu Du Pré èra un Conselhièr del Rei dins sa vila natala.
Sas Poesias Gasconas ("Pouesies gascoues", segon la grafia originala) subrevisquèron entremescladas demest d'autras òbras francesas dins un libre datat del 1620 e publicat jol títol Les Feuillets de Sybille. Aquestes poèmas son compausats d'un total de 16 sonets (en vèrses decasillabics o alexandrins) e de doas cançons. Aquela colleccion èra desconeguda abans del 1928, e se sap pauc de son autor; segon Pèire Bec, Du Pré èra de Leitora, filh d'un cèrt Arnaud Du Pré, « Conseiller du Roy ». Lo critic occitan Jean-François Courouau situa sa naissença cap al 1570.
Òbras
[modificar | modificar lo còdi]- Sonnets gascons. Barnabooth & L'Horizon Chimérique, 1988. Traduccions de Bernard Manciet.
- Pouesies gascoues (1620). Edicion de Jean-François Courouau.
- Poesias Gascoas (1620). Per Noste: Ortès, 2006.
Bibliografia
[modificar | modificar lo còdi]- Anne Viguier, Lecture d'André du Pré : autour de seize sonnets, vol. 94, t. 2, coll. « Revue des Langues Romanes », 1990, p. 263-276.
- Felip Gardí, La leçon de Nérac: du Bartas et les poètes occitans (1550-1650), París, Presses Universitaires de Bordeaux, 1999.
- Pèire Bec, Le siècle d'or de la poésies gasconne (1550-1650), Abbeville, Les Belle Lettres, 1997.
- François Pic, « Un poète gascon bilingue : André du Pré », Revue française d’histoire du livre, no n° 23, abril-mai-junh, 1979, pp. 427-430
- François Pic, « Re-découverte d’un poète gascon trilingue du XVIIe siècle : Les Feuilles Sibyllines d’André Du Pré », Lengas, revista de sociolingüistica, Montpelhièr, n° 22, intitulat Dètz ans de sociolinguistica, 1987, pp. 267-288