Amagriment
Un amagriment es una pèrda de pes qu'es lo resultat d'un desequilibri entre leis apòrts e lei despensas energetics. Pòu èsser volontari, amb un regim aprimant, ò involontari. Dins aqueu segond cas, pòu èsser la consequéncia d'una malautiá, d'una denutricion ò d'un treble alimentari. Medicalament, se parla d'amagriment significatiu quand un individú pèrd involontàriament 5 % de son pes corporau en un mes ò 10 % en sièis mes. Un pes normau es generalament lo signe d'un bòn estat de santat en l'adult. En revènge, un pes inferior ò superior a la mejana pòu engendrar divèrsei problèmas e redurre l'esperança de vida.